काठमाडौ । कवि जुनू रानाको पहिलो कविता कृति रातो नदि विमोचन सम्पन्न भएको छ । असार १५ गते सनिबारका दिन नयाँ बानेश्वरको थापागाउँस्थित मण्डला थिएटरको सभाहलमा नेपाल प्रज्ञा प्रतिष्ठानका पुर्वकुलपति तथा मुन्धुमविद बैरागी काइलाको प्रमुख आतिथ्यतामा औपचारिक कार्यक्रमका बिचमा रातो नदिको विमोचन गरिएको हो ।
कवि सीता तुम्खेवाको पहिलो कविता वाचनले विमोचनको औपचारिक ढोका खोलिएको थियो भने रातो नदि कृतिभित्रको कविता वाचन चर्चित गायक यश कुमार र नायक अंकित खड्कासँगै कवि सीता तुम्खेवाको संयुक्तरूपमा कविता म्युजिकल वाचनसहित प्रस्तुति गरिएको थियो ।
जुनू राना नेपालको बाग्लुङमा जन्मिएर हङकङमा कर्म गरिरहेकी कवि रानाको यो पहिलो कविता कृति हो ।
नयाँ अनलाइनका सहसम्पादक सिर्जना राईको स्वागत मन्तव्यसँगै शुरु भएको कार्यक्रम यासेली योङहाङले सञ्चालन गरेका थिए ।
शुभकामना मन्तव्यमा कवि तथा आख्यानकार बिना थिङ तामाङ, सन्चारिका समुहकी अध्यक्ष तथा कवि बिमला तुम्खेवा, समालोचक तथा प्राज्ञ डाक्टर बिन्दु शर्मा, कवि तथा प्राज्ञ श्रवण मुकारुङ र प्रमुख अतिथि प्रज्ञा प्रतिष्ठानका पुर्वकुलपति तथा मुन्धुमविद वैरागी काइला शुभकामना मन्तव्य रहेको थियो भने प्रा. वसन्त मुकारुङ, निरन्ती तुम्बापो, कवि स्वप्निल स्मृति, चन्द्रवीर तुम्बापोलगायत थुप्रै कविहरूको उपस्थिति रहेको थियो ।
शुभकामना मन्तव्यका क्रममा बैरागी काइँलाले नेपाली साहित्यले एउटा दर्बिलो कृति पाएको बताएका छन् । आदिवासी, जातीय र मुलधार पक्षले नहेरे पनि उक्त कृतिमा सबैथोक छ, बिषयवस्तुहरू ओजिलो रहेको बताएका छन् ।
कृतिकार कवि जुनू रानाले आफ्नो कृतिमाथी आएका समालोचक तथा टिप्पणीकार सबैलाई कृतज्ञता तथा धन्यवाद मन्तव्य व्यक्त गरेका थिए ।
उक्त औपचारिक कार्यक्रमको अध्यक्षता लेखक तथा कवि शशी लुमुम्बुले गरेका थिए । विमोचन कार्यक्रमको सम्पुर्ण व्यवस्थापन तथा आयोजना नयाँ अनलाइन डटकमले गरेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
