काठमाडौं । काभ्रेको बनेपामा चालकहरूबीच कुटाकुट भएको छ । बुधबार बिहान बनेपाको बुडोलस्थित सडकमा अरनिको यातायातका चालक र हिमाल–तराई यातायातका चालकबीच कुटाकुट भएको हो ।
गाडी तेर्स्याएर सडक बन्द गरेपछि दुई यातायातबीच कुटाकुट भएको हो । उनीहरुबीच मंगलबारदेखि नै विवाद भएको थियो। मंगलबार काठमाडौं र ओखलढुंगामा दुई यातायातका कर्मचारीबीच विवाद भएको प्रहरीले जनाएको छ ।
त्यही कुरालाई लिएर बुधबार अरनिको यातायातको बागमती प्रदेश ०१–००६ ख ५५७१ नम्बरको गाडी सडकमा तेर्स्याएर अवरूद्ध गरिएको थियो ।
सडक अवरूद्ध गरेपछि ट्राफिक प्रहरीले चालकलाई नियन्त्रणमा लिने क्रममा त्यहाँ अरू दुई पक्षका चालकहरूबीच कुटाकुटको स्थिति बनेको हो ।
अहिले सडक खुलिसकेको र ती चालक र बसलाई नियन्त्रणमा लिई यस विषयमा दुई पक्षबीच छलफल भइरहेको प्रहरीले जनाएको छ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
