नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान माङ्चेभुमेको जात्रा लागेको छ ।
शिवपुरी गाउँपालिका वडा नं. १ दिङ्गाममा अवस्थित यस मन्दिरलाई पालिकाको पुर्वी भेगका जनताहरूले शक्तिपिठको रूपमा पुज्ने गर्छन् । शिवपुरी गाउँपालिकाको अध्यक्ष गोविन्द थपलियाले रिवन काटेर उदघाटन गरिएको यस जात्रामा हजारौ भक्तालुजनहरूले प्रत्यक्ष दर्शन गरेका थिए ।
शिवपुरी वडा नम्बर १ का वडाध्यक्ष सुकुराम तामाङसहित स्थानीय सरकारका प्रमुखहरू उपस्थीत भएको यस जात्रामा दर्जनौ झाँक्री सुमुहहरू उपस्थीत भएका थिए । पुजापश्चात पालिका अध्यक्ष थपलियाुले मिडियाकर्मीहरूसँग सुरुवाती वर्षदेखी पालिकाबाट जात्रा ब्यवस्थापनमा बजेट हालेको जानकारी दिएका थिए । “गाउँपालिकाले नै महत्वपूर्ण धार्मिक स्थललाई पर्यटन क्षेत्रको रूपमा विकास गराउन सके यस क्षेत्रको जनताहरूको आर्थिक तथा सांस्कृतिक पाटो अझै बलियो हुन्छ ।” अध्यक्ष थपलियाको भनाई थियो ।
वडाबाट सकेको सहयोग गरेको जानकारी दिँदै वडाध्यक्ष सुकुराम तामाङले अझै यस ठाउँको प्रचार प्रसार गर्न सके आर्थिक लाभ लिन सकिने जानकारी दिए । साथै, अबको दिनमा प्रदेश तथा केन्द्रको बजेट हालेर अझै ब्यवस्थीत बनाउनेमा पहल गर्ने जानकारी पनि दिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
