सहिद बान्तावाको स्मृति र अर्को संयोग ‘उपनिर्वाचन’ - Naya Online

सहिद बान्तावाको स्मृति र अर्को संयोग ‘उपनिर्वाचन’

सजन राई
माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान क्रान्तिकारी युवाको हत्या गर्यो । प्रहरी परिचालन गरेर लखेटी लखेटी हत्या गरिएका युवा थिए ‘पूर्वको रातो तारा’ उपमा पाएका रत्नकुमार वान्तावा ।

संयोग यस्तो थियो कि २००८ चैत २७ जन्मिएका उनको हत्या पनि २०३५ चैत २७ गते नै भएको थियो ।

इलाम चमैताको चित्रे (हाल देउमाई नगरपालिका १०) मा बुबा गर्जमान राई र आमा पुष्पमाया राईका ११ सन्तानमध्ये चौंथो सन्तानका रूपमा जन्मिएका बान्तावा पूर्वी नेपालमा चलेको निरंकुश पञ्चायती व्यवस्था विरुद्धको आन्दोलनमा नेतृत्व गर्थे । कम्युनिष्ट विचारधाराका उनी समाजका कुनै पनि शोषण र अन्यायको विरोध गर्थे भने जनतालाई पञ्चायतको तानशाहविरुद्ध प्रतिकार गर्न झक्झक्याउँथे ।

भूमिगत कालमा संगठनको गोपनीयताका लागि र पञ्चायतको आँखामा छारो हाल्न बान्तावाले आफ्नै घरबाट बाहिर निस्कने मिल्ने सुरुङसमेत निर्माण गरेका थिए । रत्न बम प्रतिष्ठानले हाल बान्तावाको चित्रेस्थित घर र सुरुङको संरक्षण गर्दै आएको छ ।

मंगलबार पनि फेरि अर्को संयोग परेको थियो । अर्थात् २०७५ जेठ ३ गते पार्टी एकीकरण गरेर नेपाल कम्युनिष्ट पार्टी (नेकपा) बनेको एमाले र माओवादी केन्द्रबीच २०७७ फागुन २३ सर्वोच्च अदालतको फैसलासँगै छुट्टिएका दुई पार्टीका कार्यकर्ता उनै सहिद बान्तावाको ७२औँ जन्मजयन्ती र ४५औँ स्मृति दिवस मनाउन माङ्सेबुङ २ स्थित रत्न चोकमा सँगै भेला भएका थिए ।

पार्टी विभाजनपछि अलग बनेका एमाले र माओवादी केन्द्रका कार्यकर्ता यतिबेला इलाम २ को उपनिर्वाचनका कारण पनि सँगै हुन पुगेका हुन् । एमालेबाट दिवंगत सुवासचन्द्र नेम्बाङका छोरा सुहाङ नेम्बाङ उम्मेद्वार छन् भने सुहाङलाई माओवादी केन्द्र र नेकपा सी (विप्लव)ले पनि समर्थन गरेको अवस्था छ ।

मंगलबार दुवै पार्टीका कार्यकर्ताले मिलेर सहिद बान्तावाको शालिकमा अबिर तथा माल्यार्पण गरे भने शालिकसहित निर्माण गरिएको पार्क क्षेत्रमा सरसफाई गरेका थिए ।

त्यसै अवसरमा आयोजित स्मृतिसभामा एमाले माङसेबुङ अध्यक्ष मित्र खड्काले अध्यक्षता गरे भने माओवादी केन्द्रका प्रदेश सदस्य एवम् माङसेबुङ इञ्चार्ज जनम खम्बूले प्रमुख वक्ताका रूपमा सम्बोधन गरे । उनले भने –‘वामपन्थी कम्युनिष्ट शक्ति एक भएमात्र सर्वहारा वर्गको न्याय र मुक्तिका लागि निरंकुश शासन विरुद्ध शहीद भएका अमर शहीदहरूले देखेको सपना पूरा गर्न सकिन्छ ।’

एमाले इलाम जिल्ला सदस्य एवम् माङसेबुङ इञ्चार्ज हेमन्त राईले भने –‘शहीदहरूको मार्गनिर्देशमा निरन्तर लाग्नु पर्छ र कम्युनिष्टहरू व्यावहारिक हुनु पर्दछ ।’

उपनिर्वाचनको सरगर्मी बढिरहेका बेला दुई पार्टीले स्थानीयस्तरमा गरेको यो संयुक्त कार्यक्रमले सहिदको आदर सम्मान र मतदाता जनतामा सकारात्मक सन्देश पुगेको एमाले माङसेबुङ अध्यक्ष खड्काको भनाई छ ।

सहिद बान्तावाको स्मृतिमा चैत २७ गते विभिन्न कार्यक्रम गरी मनाउने गरिन्छ । साथै रत्न बम प्रतिष्ठानले हरेक वर्ष बान्तवाको स्मृति दिवस मनाउँदै आएको छ ।

पञ्चायतविरुद्ध भूमिगत आन्दोलनका क्रममा माङसेबुङ २ (साबिक इभाङ २) मा बिहान करिब ५ः४५ बजे तिर प्रहरीको गोली लागेर बान्तावाको ज्यान गएको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...