२८ चैत २०८० । २८ चैत २०८० । कोशी प्रदेश प्रमुख माननीय परशुराम खापुङले वैशाख ६ गतेको लागि कोशी प्रदेशसभाको अधिवेशन आव्हान गरेका छन् ।
कोशी प्रदेशसभाको सम्पूर्ण सदस्य संख्याको एक चौथाईभन्दा बढी प्रदेशसभा सदस्यहरूको लिखित अनुरोध भएबमोजिम कोशी प्रदेशसभाको अधिवेशन आव्हान प्रदेश प्रमुखले गरेका हुन् । २६ चैत्रमा केदार कार्की नेतृत्वको सरकारालाई दिएको समर्थन फिर्ता लिएको नेकपा एमाले र माओवादी केन्द्रका ५२ सांसदले मुख्यमन्त्री र सरकारलाई निर्देशन दिनुपर्ने भएकोले अधिवेशन मागसहित निवेदन दिएका थिए ।
सोही दिन मुख्यमन्त्री केदार कार्कीले मन्त्रीपरिषद्को निर्णयअनुसार ११ जेठ २०८१ मा संसदको नियमित अधिवेशन आव्हानका लागि निवेदन दिएका थिए ।
मिति २०८० चैत्र २६ गतेका नेपालको संविधानको धारा १८३ को उपधारा (३) बमोजिम सम्वत् २०८१ साल वैशाख ६ गते विहिबार दिनको १ः०० बजे कोशी प्रदेशभा हल, विराटनगरमा कोशी प्रदेशसभाको अधिवेशन आव्हान गरिएको प्रदेश प्रमुखको कार्यालयको विज्ञप्तिमा बताइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
