धरान, २६ चैत । हुक्पा चोङबाङ कल्याण संघको तेश्रो राष्ट्रिय महाधिवेशन धरानमा शनिबार सम्पन्न भएको छ । हुक्पा चोङबाङहरुको आफ्नै रिसोर्ट, धरान १४ विजयपुरमा महाधिवेशन सम्पन्न भएको हो ।
कार्यक्रमको उद्घाटन गर्दै धरान उपमहानगर पालिकाका उपमेयर अइन्द्रकुमार बेघाले धरानमा हुक्पा चोङबाङ समुदायले ठूलो सहयोग पुर्याएको चर्चा गरेका थिए । “कोभिडको बेला पुर्याएको योगदान होस् अन्य सामाजिक विकासमा हुक्पा चोङबाङहरूले अतुलनीय सहयोग पुर्याएको छ ।” उपमेयर बेघाको थप भनाई थियो । त्यसैगरी धरानले सबै जनतासँग श्रम मागेको कुरा पनि उपमेयरले बताएका थिए ।
“धरानमा अहिले श्रमसंस्कृतिको अभियान चलेको छ, मान्छेले यसलाई खिसीट्युरीको भावले हेर्लान्, ढुंगा बोक्यो र पाइप तान्यो भनेर गिल्ला गरिरहेका छन् । तर त्यसले दिने सन्देश चाही महत्वपूर्ण हो ।” उपमेयर बेघाले धरान नगरपालिकाले चलाइरहेको श्रमअभियानबारे यसरी बोलेका थिए ।
पोक्लाबाङ यक माङ्गेन्ना लुङ्धुङ थाम्रुङ फेदापका सावायेत्हाङ सदस्य नरप्रसाद लुम्फङ्वाले पोक्लाबाङलाई माङ्गेन्ना यक मान्ने १८ थरमध्ये हुक्पाचोङबाङ पनि रहेको सक्रिय संस्थामध्य हुक्पा चोङबाङ कल्याण संघ रहेको बताएका थिए ।
कार्यक्रमको बिचमा ‘हुक्पा चोङबाङ प्रतिभा र सिर्जनाका फूलहरू’ पुस्तकको विमोचन भएको थियो । ३० जना हुक्पा चोङबाङ सर्जकहरुद्वारा लिखित यस सङ्ग्रहमा कथा, कविता, पाःलाम, गीत, संस्मरण, लिम्बूभाषामा कविता आदि समावेश छन् । पुस्तकमाथि सञ्चारकर्मी देवेन्द्र खापुङ सुर्केलीले समिक्षात्मक मन्तव्य राखेका थिए ।
युवा नेता कृष्ण चोङबाङ, साहित्यकार हरि चोङबाङ सेन्छेन्हाङ, फेदाप गाउँपालिकाका पूर्व पालिका अध्यक्ष हरि चोङबाङ तथा किरात याक्थुङ चुम्लुङका उपाध्यक्ष डा. कमल तिगेलाले कार्यक्रममा आफ्ना मन्तव्य राखेका थिए ।
स्थानीय निर्वाचनमा निर्वाचित जनप्रतिनिधि तथा सिर्जनात्मक क्रियाकलापमा पुरस्कृत हुक्पा चोङबाङहरुलाई सम्मानित गरिएको कार्यक्रमको सभापति शेरबहादुर हुक्पा चोङबाङले गरेका थिए ।
मोहन हुक्पा चोङबाङको अध्यक्षतामा नयाँ समिति
मोहनकुमार हुक्पा चोङबाङको अध्यक्षतामा सदस्यीय नयाँ समितिको निर्माण भएको छ । जसको उपाध्यक्ष मदनकुमार हुक्पा चोङबाङ, गजिन्द्र हुक्पा चोङबाङ, राजबहादुर हुक्पा चोङबाङ, महासचिव भगतबहादुर हुक्पा चोङबाङ, सचिव देवराज हुक्पा चोङबाङ, अशोक हुक्पा चोङबाङ, सन्तोष हुक्पा चोङबाङ र कोषाध्यक्ष मनबहादुर हुक्पा चोङबाङ रहेका छन् ।
सदस्यहरुमा सुक्रमाया हुक्पा चोङबाङ, दिपक हुक्पा चोङबाङ, गोविन्द हुक्पा चोङबाङ, तेजबहादुर हुक्पा चोङबाङ, बौधमान हुक्पा चोङबाङ, ललितचन्द्र हुक्पा चोङबाङ, सुरेश हुक्पा चोङबाङ र आइतराज हुक्पा चोङबाङ निर्वाचित भएका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
