पाँचथर, २६ चैत । ११ वर्षदेखि विवादित फालेलुङको कालिखोला खानेपानी मुहानको विवाद आइतबारदेखि साम्य भएको छ । फालेलुङ वडा नं. ३ को कार्यालयमा भएको बृहत् छलफलद्वारा विवाद किनारा लागेको हो ।
हिलिहाङ गाउँपालिका सुभाङ (बृहत पम्पिङ) खानेपानी तथा सरसफाइ समिति अध्यक्ष तथा प्रदेश सांसद कमलप्रसाद जबेगुको उपस्थितिमा सुभाङ (बृहत् पम्पिङ) खानेपानी उपाध्यक्ष वीरबहादुर यवा, समिति सचिव, पाँचथर जिल्ला खानेपानी डिभिजन प्रतिनिधि, फालेलुङ पालिका प्रमुख वीरविक्रम थाम्सुहाङ, ३ नं. वडा कार्यसमिति, सरोकारवालासंघसंस्थाहरु, छ वटै टोलविकास संस्थाका प्रतिनिधिहरु करिब १२० जनसहभागिताको उपस्थितिमा दुबै पक्षको घनिभुत छलफल पश्चातको निर्णयले सर्वसहमत पारित भएको थियो ।
वडाकार्यसमितिले समग्रमा फालेलुङ–३ को तर्फबाट प्रदेश नं.–१ संसद कमल प्रसाद जबेगुलाई वडा कार्यालयमा स्वागत गर्दै २०७९ को विदाइ तथा नववर्ष २०८० सालको शुभकामना पनि आदानप्रदान भएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
