सुरेन्द्र इङ्नाम लण्डन
टिजर ट्रेलर सार्वजनिक भएपछि चर्चित बनेको नेपाली चलचित्र जारीलाई बेलायतमा ग्राण्ड प्रिमियर गरिने भएको छ । २०२३ अप्रिल २२ तारिखको दिन प्रिन्सेस हल, अल्डर्शटमा गोर्खा वरियर्स ईभेन्टस् द्वारा नेपाली चलचित्र “जारी” को ग्रान्ड प्रिमियर गर्ने भएको हो ।
उक्त ग्रान्ड प्रिमियरमा “जारी” टिम उपस्थित हुने जानकारी गोर्खा वरियर्स ईभेन्टस्का सन्ञ्चालकद्वय अल्बिन र पिटरले जानकारी दिए । गोर्खा ईभेन्टस्को पनि यस फिल्ममा केही हिस्सा लगानी भएकोले ईभेन्टस् सन्ञ्चालक अल्बिन नेपाल पुगेर फिल्मको गहिरो अनुसन्धान गरी सिनेमाको गीत सुटिङ्को अवलोकनसमेत गरेर बेलायत फर्केपछि वरियर्स ईभेन्टस्का टिमहरुसँग सल्लाह गरेर ग्रान्ड प्रिमियर गर्ने योजना तय गरेको जानकारी दिएका छन् ।
उपेन्द्र सुब्बाको कथा तथा निर्देशनमा बनेको चलचित्रमा दयाहाङ राई, मिरुना मगर, प्रेम सुब्बा, रेखा लिम्बू, रोयदीप, बिजय बराल आदि कलाकार छन् । यसमध्ये दयाहाङ राई, मिरुना मगर, बिजय बराल र निर्देशक उपेन्द्र सुब्बा प्रदर्शनमा उपस्थित हुने पक्का भएको जानकारी गोर्खा वरियर्स ईभेन्टस्का अर्का सदस्य पिटरले जानकारी गराएका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
