काठमाडौं -१ नम्बर प्रदेशका सांसद इन्द्र आङ्बो ताप्लेजुङबाट लखेटिएका छन् । पाथीभरा बहुमुखी क्याम्पसको स्ववियु निर्वाचनमा गठबन्धनको जित भएपछि खुशीयाली मनाउन ताप्लेजुङ पुगेका आङ्बोलाई जाँदाँजाँदै पहिचान पक्षधरहरुले लखेटेका हुन् ।
कोसी प्रदेश नामकरण खारेजी संयुक्त संघर्ष समितिका मोर्चाले सांसद आङ्बोलाई कालो झण्डा देखाउनुका साथै उनी चडेको गाडी तोडफोड गरेको जनाइएको छ । पहिचान पक्षधरहरुले उनी चढेको गाडी पछ्याउदै गरेको एक भिडियो सार्वजनिक भएको छ । प्रहरीको स्कटिङमा भागेको आङ्बो अहिले आर्मी क्याम्पतिर भगाइएको हुन सक्ने स्रोतले जनाएको छ ।
उनले निर्वाचनमा भोट माग्ने क्रममा प्रदेश नं. को नाम ‘लिम्बुवान किरात’ नभए आफ्नो हातको औला नै काट्ने आश्वासन दिएको भिडियोहरु जताततै सार्वजनिक भएको थियो ।
नेकपा माओवादी केन्द्रको प्रदेश १ को प्रदेशसभा संसदीय दलको नेतासमेत रहेका आङ्बोले फागुन १७ गते एमाले काँग्रेससँगै ‘कोसी प्रदेश’मा मत दिएपछि आक्रोशित बनेका पहिचान पक्षधरहरुले उनको बिरोध गर्दै आइरहेका छन् ।
पहिचानको आधारमा प्रदेशको नामकरण गनुपर्ने माग राख्दै आएका पहिचानवादीहरुले सोमबार ओखलढुङ्गा पुगेका मुख्यमन्त्री हिक्मत कार्कीलाई पनि कालो झण्डा प्रदर्शन गर्नुका साथै उनी चढेको गाडी तोडफोड गर्ने प्रयास गरेका थिए । उनको झण्डामा राखिएको राष्ट्रिय झण्डासमेत थुतिएको थियो ।
प्रदेशको पुनः नामकरण गर्नुपर्ने मागसहित अहिले विभिन्न संघसंस्था लगायत पहिचानवादीहरु आन्दोलित छन् । तर, मुख्यमन्त्री कार्की भने यसमा अब छलफलसमेत नहुने अभिव्यक्ति दिँदै आइरहेका छन्
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
