प्रिन्स याक्खा प्यासी

लण्डन । हिलिङडोन गोर्खा नेपाली कम्युनिटीले दशैं विशेष कार्यक्रम भव्य रुपमा मनाएको छ ।

२ अक्टोवर २०२२ का दिन लण्डनस्थित हेज टाउनमा हिलिङडोन गोर्खा नेपाली क्युनिटिले दशैं विशेष कार्यक्रम भव्य रुपमा मनाएको हो । नेपाली र बेलायती राष्टिय गान बजाएर कार्यक्रमको सुरु भएको थियो । त्यसलगत्तै भर्खरै दिवंगत भएकी बेलायतकी महारानी एलिजावेथ द्वितीयको सम्झनामा २ मिनेट मौनधारण गरिएको थियो । मौन धारणपश्चात् संस्थाका सहसचिव किसोर रानाले कार्यक्रममा उपस्थित सबैलाई दसैको शुभकामनासहित स्वागत गरेका थिए ।

Mayor of London brough Of Hilingdon को निम्तोलाई रिप्रिन्जेट गरेका काउन्सिलर Becky Haggar प्रमुख अतिथि, London Brough of Hounslow का काउन्सिलर विष्णुबहादुर गुरुङ र मिसेस सीता कुमारी गुरुङ विशेष अतिथि, गोर्खा नेपाली कम्युनिटि हस्लोका महासचिव धनवहादुर सार्की र संस्थाका पूर्वपधाधिकारीहरु अतिथिको रुपमा उपस्थित थिए ।

कार्यक्रममा विशेष अतिथि काउन्सिलर विष्णु गुरुङ र अतिथि गोर्खा नेपाली कम्युनिटी हन्स्लोका महासचिव धनबहादुर सार्कीले दशैंको शुभकामना दिएका थिए । संस्थाका उपाध्यक्ष पूर्ण नेपालीले हेल्थ एण्ड सेफ्टीको बारेमा जानकारी दिएका थिए ।

नेपाल बाट आएकी कलाकार गीता पाईजा र संस्थाकी अन्जना तामाङले गीत गाएर उपस्थित सबैलाई मन्त्रमुग्ध बनाएका थिए । कार्यक्रममा च्याब्रुङ नाच, कोकटेल डान्सका साथै अन्य सास्कृतिक नृत्यहरु पनि प्रस्तुत गरिनुका साथै राइफल ड्र पनि खेलाइएको थियो ।

संस्थाको अध्यक्षको पूर्ण कुमार फालेछुवाले असत्यमाथि सत्यको विजय भएको विश्वास रहिआएकोले दशैं किन ? केका लागि र कहिले मनाईन्छ भन्ने कुरालाई प्रकाश पार्दै हिन्दुहरुको ठूलो चाड विजया दशमीको शुभकामना दिदै कार्यक्रममा उपस्थित सम्पूर्णमा धन्यवाद दिएका थिए ।

साँझ ५ बजे सुरु भएको कार्याक्रम राती १०ः४५ मा समापन भएको कार्यक्रमको सन्चालन संस्थाका सचिव सुक्र लिम्बुले गरेका थिए ।