पाँचथर – लिम्बू कथानक चलचित्र ‘के’ को फिदिम पाँचथरमा बिशेश प्रदर्शन भएको छ । विहिबार फिदिमस्थित छाब्दी बरहाही चलचित्र मन्दिरमा भएको हो । प्रदर्शनको समुद्घाटन गर्दै जिल्ला समन्वय समितिका प्रमुख रामराज आङ्देम्बेले के लाई थप सफलताको शुभकामना दिएका थिए । याक्थुङ फिल्मसद्वारा आयोजित कार्यक्रममा प्रमुख जिल्ला अधिकारी गणेश गैरे, जिल्ला प्रहरी कार्यालयका प्रमुख सिएसपि हरि खतिवडा, सशस्त्र प्रहरी बलका सिएसपि आइन्द्रराज नेम्बाङ, जिल्ला न्यायाधिवक्ता, चुम्लुङ केन्द्रिय उपाध्यक्ष चन्द्र आङ्देम्बे लगायतले शुभकामना दिएका थिए । कार्यक्रममा चलचित्रका लेखक/निर्देशक तथा निर्माता सागर केरुङ्ले के चलचित्र निर्माणसंग सम्बन्धित सबैलाई धन्यवाद ज्ञापन गरेका थिए । याक्थुङ फिल्म्सद्वारा निर्मित चलचित्र के मा निर्माता टाइसन केरुङ, प्रस्तुतकर्ता बुद्दराज इङ्वा, गीत/संगीत प्रेम पन्धाक, स्वर सुनिता सुब्बा, छायांकन सन्जय आचार्य, सम्पादन अनिल महर्जन र कलाकारहरु चलचित्रमा मधु केरुङ,बबिता फोम्बो,रुपा आङबुहाङ,प्रेम ओझा,मनकुमार केरुङ,सुक्मिता केरुङ,सुदर्शन थेबे RK, कमल घिमीरे,अप्सरा नेउपाने,संघर्ष खतिवडा,संगीता लावती,दिपक खनाल लगायत रहेका छन । उक्त चलचित्रले हालसम्म उत्कृष्ट आदिवासी चलचित्र एवार्ड २०७६, एफ एल एफ अवार्ड २०२०, ज्योमो गान अवार्ड २०१९ थाइल्यान्ड, जुरि अवार्ड एफएल एफ २०२१, बेस्ट स्टोरी अवार्ड २०२१ अमेरिका लगायत हालसम्ममा धेरै अवार्ड जित्ने पहिलो लिम्बू चलचित्र समेत बनेका छन ।
भिडियो हेर्नुस् –