काठमाडौं, २० भदौ । जनता समाजवादी पार्टी, नेपाल प्रवास विशेष प्रदेश समिति विश्वास दीप तिगेलाको नेतृत्वमा पूनर्गठन भएको छ । आइतबार भर्चुअल बैठकद्वारा नेतृत्वको पूनर्गठन भएको हो ।
विभिन्न २२ मुलुकमा गठन भई अस्तित्वमा रहेका नेपाली समाजको केन्द्रीय नेतृत्व प्रवास विशेष प्रदेश समितिको उपाध्यक्षत्रयमा अक्कल थापामगर (थाईल्याण्ड), मनिष यादव (कतार) र प्रमोद श्रेष्ठ (युएई), सचिवहरु सोम शेर्पा (पोचुर्गल), पेम्बा डोल्मा ह्याल्मो (इजरायल) र लोक बहादुर राई (कुवेत) त्यस्तैगरि कोषाध्यक्ष मुन्ना समसुल हक (युएई) र सहकोषाध्यक्ष श्रीमती लिला सेलिङ माबो (युके) चयन भएका छन । पार्टी प्रवासको अंग नेपाली समाजका अध्यक्ष पदेन सदस्य सहित ४५ सदस्य रहेका छन् ।
भर्चुवल भेलामा प्रवास प्रदेश इन्चार्ज आङकाजी शेर्पा, सहईन्चार्जहरु क्रमशः लक्ष्मण हुमागाई, भगवान चाम्लिङ, टेकबहादुर थापा, मानबहादुर राई, पि.जी. शेर्पाले पनि सम्बोधन गरेका थिए ।
भेलाले दर्पण गुरुङ, ईलाम क्षेत्र नं. १ (द. कोरिया), पासाङ शेर्पा, युएई रामेछाप क्षेत्र नंं १, सोम फूरी शेर्पा, दोलखा, क्षेत्र नं. २ (हाल पोर्चुगल), मुन्ना समुसुल हक, सप्तरी क्षेत्र नं. ४ (हाल युएई), भगवान चाम्लिङ, खोटाङ, क्षेत्र न २, (हाल युके), जंग बहादुर सुनुवार, जनकपुर क्षेत्र नं. २ (हाल युके), मनिष यादव, सुनसरी क्षेत्र नं. ४ (हाल कतार), प्रमोद श्रेष्ठ, काठमाडौं क्षेत्र नं. ६ (हाल युएई), श्रीमति पार्वती थापा मगर, तनहुँ (हाल अमेरिका), आङकाजी शेर्पा सोलु क्षेत्र न १, लक्ष्मण हुमागाई, काठमाडौं क्षेत्र नं. २, मिनु राई बयरबन क्षेत्र न १, मोरङ र धर्म तामाङ, भोजपुरलाई आउदो संघीय ससद तथा प्रदेश संसदको निमित्त प्रत्येक्ष तथा समानुपातिको निमित्त सिफारिस पनि गरेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
