काठमाडौं, २० असार । सिरहा र चितवनमा डुबेर दुईजनाको मृत्यु भएको छ ।
सिरहा नगरपालिका–१० नरहैया बस्ने नन्दी महराका छोरा ३ वर्षीय रूपेश महराको आफ्नै घर अगाडि सार्वजनिक पोखरीमा डुबेर सोमबार बिहान मृत्यु भएको छ ।
खेल्ने क्रममा उक्त पोखरीमा डुबेर अशक्त भएका रूपेशको प्रादेशिक अस्पताल सिरहामा उपचारको क्रममा मृत्यु भएको हो ।
चितवन, खैरहनी नगरपालिका–५ ढुम्रे खोलाले बगाउँदा मकवानपुर हेटौंडा उपमहानगरपालिका कमाने बस्ने ३२ वर्षीय सुरज बस्नेतको सोमबार बिहान मृत्यु भएको छ ।
खैरहनी नगरपालिका–५ बुडउलीस्थित दिदीको घरमा आएका उनको उक्त खोलामा नुहाउन गएकोमा खोलाले बगाई करिब २ सय मिटर तल शव फेला परेको हो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
