वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया - Naya Online

वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया

धरान । बराहक्षेत्र नगरपालिका वडा नम्बर– ३ बाट नेकपा(एमाले)का तर्फबाट वडाअध्यक्षका उम्मेदवार रुद्र दाहालले आम बराहक्षेत्रमा रहेर साहित्य सिर्जनामा समर्पित सर्जकहरुसँग अन्तरक्रिया गरेका छन् ।

निवर्तमान वडाअध्यक्ष समेत रहेका उम्मेदवार दाहालले शनिबार बराहक्षेत्र–३ को वडाकार्यालयमा बराहक्षेत्रभरि रहेका कवि सर्जकहरुलाई निम्त्याएर सर्जकहरुको अवस्था र उनीहरुका निम्ति आफूले गर्न सक्ने विषयमाथि अन्तरक्रिया गरेका हुन् । उपस्थित सर्जकहरुले नगरपालिका स्तरीय साहित्यिक प्रतिष्ठान स्थापना, वार्षिक रुपमा लिट्रेचर फेस्टिभलको आयोजना, बराहक्षेत्रभरि रहेका मातृभाषाहरुको संरक्षणको श्रोत व्यवस्थापन र आजसम्म प्रतिष्ठानसरह रहेर काम गरिरहेको स्वर्णिम साहित्य समाज, बराहक्षेत्र–३ को भवन निर्माण गरिदिन आग्रह गर्दै हिजो वडाध्यक्षको कार्यकालमा कला र साहित्यलाई गरेको साथ र सहयोगप्रति कृतज्ञता समेत प्रकट गरे । साथै स्वर्णिम साहित्य समाजले स्वर्णिम साहित्य पुरस्कार तथा सम्मानका निम्ति खडा गरिएको अक्षयकोषको जानकारी पत्र पनि उम्मेदवार दाहाललाई बुझाएको थियो ।

आम सर्जकहरुले उठाएका प्रसंगहरुमाथि बोल्दै वडाअध्यक्षका उम्मेदवार दाहालले आम सर्जकहरुले आफूलाई वडाअध्यक्षमा निर्वाचित गराएको खण्डमा हिजोको दिनमा भन्दा साहित्य सिर्जनामा अझ नयाँ योजनाहरु ल्याउने प्रतिवद्धता व्यक्त गरे । उनले भने, ‘यदि मलाई पुनः वडाअध्यक्षमा निर्वाचित गराउनुभएको खण्डमा कला साहित्यको निम्ति हिजोको दिनमा भन्दा अझ नयाँ योजनाहरु ल्याउनेछु । बराहक्षेत्र नगर पालिका स्तरीय प्रतिष्ठानको गठन आफ्नो पहिलो प्राथमिक्ता रहने छ । स्वर्णिम साहित्य समाजको भवनको कुरोमा यहाँहरु भन्दा म गम्भीर छु। यसको निम्ति मेरो पहल सदा रहनेछ । बराहक्षेत्रमा एउटा लिट्रेचर फेस्टिभल गर्ने मेरो पनि ठूलो रहर छ । म यसमा प्रतिवद्ध छु । र म यहाँका कवि साहित्यकार भन्दा कहिल्यै टाढा रहनेछैन ।’ साथै उनले यी कुराहरुको निकास दिन आफू र आफ्नो पार्टीका उम्मेदवारहरुलाई आफ्नो अमुल्य मत दिई बिजयी गराउनका निम्ति सम्पूर्ण कवि तथा सर्जकहरुसँग अनुरोध समेत गरे ।

सो अन्तरक्रियामा कवि रविन्द्र केदेम, सुर्य तामाङ, छविना लुङ्गेली, छविलाल चौधरी, पहलमान बस्नेत, गजलकार शारदा निरौला, लक्ष्मण कट्वाल, शिक्षासेवी शरण लिम्बु, शुभेच्छुक मोहन सुब्बा लगायतका सर्जकहरुको उपस्थिति रहेको थियो । पत्रकारहरु आदेश गौतम , रमेश हतुवालीको समेत उपस्थिति रहेको थियो । कार्यक्रमको सहजिकरण कवि तथा साहित्यिक पत्रकार प्रकाश दिप्साली राईले गरेका थिए । स्मरणीय छ बराहक्षेत्र नगरपालिका भरिमा कला, साहित्य र सिर्जनाको विकासमा सबैभन्दा उद्धारता देखाउने वडाअध्यक्षको छवि दाहालले बनाएका छन् भने यही ढंगले बेलाबखत सर्जकहरुसँग वार्तालाप पनि गर्ने गरेका छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

पाँचथरको कुम्मायक गाउँपालिका–१ मा गठबन्धनका पदमा देवेन्द्र कुमार लावती विजयी

कुम्मायक । पाँचथरको कुम्मायक गाउँपालिकाको–१ नम्बर वडामा गठबन्धनतर्फका देवेन्द्र कुमार लावती बहुमतले विजयी बनेका...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

अवसरवादी र अहंकारवादी तत्वलाई मतदान नगर्न लावतीको आग्रह

-पदम सुखी सम्बाहाम्फे पाँचथर । कुम्मायक गाउँपालिका वडा नम्बर १ स्थित साविक वडा नम्बर...

वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया

धरान । बराहक्षेत्र नगरपालिका वडा नम्बर– ३ बाट नेकपा(एमाले)का तर्फबाट वडाअध्यक्षका उम्मेदवार रुद्र दाहालले...

गठबन्धनका उम्मेदवारलाई जिताउन जनआकांक्षाको लहर बढ्दो

-पदम सुखी सम्बाहाम्फे पाँचथर । कुम्मायक गाउपालिकाको ५ वटै वडामा ४ दलीय गठबन्धनको चुनावी...

कुम्मायक गाउँपालिकामा गठबन्धनका उम्मेदवारले स्वतः चुनाव जित्ने दाबी

-पदम सुखी सम्बाहाम्फे पाँचथर, १४ वैशाख । चुनावी मनोनयन दर्ता भएपछि कुम्मायक गाउँपालिकामा पनि...

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा...

दुर्घटनमा मृतक तथा घाइतेको सनाखत

धरान, २ वैशाख । भेडेटार दुर्घटनामा परेका मृतक तथा घाइतेको सनाखत भएको छ ।...