चारदल चुनावी गठबन्धनको बाजी मार्ने दाबी - Naya Online

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे

पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा भाग लिने भएका छन् । बुधबार साँझ बसेको चार दलिय बैठकले २०७९ बैशाख ३० गते सम्पन्न हुने स्थानीय तहको निर्वाचनमा गाउँपालिकाको अध्यक्ष, उपाध्यक्ष तथा वडाअध्यक्ष र सदस्य पदका लागि मिलेर उम्मेदवारी दिने भद्र सहमति भएको नेपाली काँग्रेसका सभापति दुर्गा बम्जानले बताए ।

नेपाली काँग्रेस, जनता समाजबादी पार्टी नेपाल, नेपाल कम्युनिस्ट पार्टी माओवादी साथै नेपाल कम्युनिस्ट पार्टी र एकीकृत समाजवादी लगायतका राजनीतिक दलहरू मिलेर नेकपा एमालेसँग चुनावी प्रतिस्पर्धामा उत्रिने भएका छन् । जसअनुसार अध्यक्ष पदका लागि नेपाली काँग्रेस, उपाध्यक्ष पदका लागि नेकपा माओवादीले पाएका छन् । त्यस्तै, वडा नम्बर १ को वडाअध्यक्ष जसपा, सदस्य काँग्रेस, माओवादी, नेकपा एस र राप्रपाको भागमा परेको छ । त्यस्तै, वडा नम्बर २ मा वडाअध्यक्ष नेकपा एस, सदस्यहरु काँग्रे दुई र माओवादी दुई छन् । वडा नम्बर ३ मा वडाअध्यक्ष पद काँग्रेसले पाएको छ भने सदस्यहरुमा दुई माओवादी एक जसपा र नेकपा एसले पाएका छन् । त्यस्तैगरि वडा नम्बर ४ मा वडाअध्यक्ष पदमा जसपा र सदस्यहरुमा काँग्रेस माओवादी जसपा र नेकपा एस रहेका छन् । वडा नम्बर ५ मा पनि वडा अध्यक्ष पदका लागि नेकपा माओवादीले पाएको छ भने अन्य सदस्यहरुमा काँग्रेस माओवादी र जसपाले समेतले पाउने गरि पदिय सहमति भएको जनाइएको छ ।

२०७४ सालको स्थानीय तहको निर्वाचनमा नेकपा एमालेले यस गाउँपालिकामा अध्यक्ष र उपाध्यक्ष सहित ४ वटा वडाहरुमा बिजय प्राप्त गरेका थिए । १ नम्बर वडामा स्वतन्त्र उम्मेदवारले जित हासिल गरेका थिए भने गाउँपालिकाको हकमा एमालेका तर्फबाट अध्यक्ष पदमा जयबहादुर चेम्जोङले ३ हजार २ सय २६ मत ल्याएर बिजयी बनेका थिए । उनका निकटतम प्रतिद्वन्दी नेपाली काँग्रेस पार्टीका उम्मेदवार बम लावतीले २ हजार ३ मत प्राप्त गरेका थिए । यस्तै नेकपा माओवादी केन्द्रका तारावीर कुवरले ४ सय १० मत ल्याएका थिए । यसैगरी उपाध्यक्षतर्फ नेकपा एमालेका उम्मेदवार सीता आचार्यले ३ हजार २ सय ८५ मत ल्याएर बिजयी बनेका थिए । उनका प्रतिस्पर्धी राप्रपाका जितबहादुर अगुवाले १ हजार १ सय ३८ मत ल्याएका थिए भने संघिय समाजवादी पार्टीका सुर्यकिरण राइले २ सय १२ मत ल्याएका थिए ।

त्यस्तै, २०७४ सालको स्थानीय तहको निर्वाचनमा कुम्मायक गाउपालिकामा रहेका ५ वटा वडाहरुको मत परिणाम यस्तो रहेको थियो । वडा १ का स्वतन्त्र उम्मेदवार (हाल जनता समाजवादी पार्टी ) देवेन्द्रकुमार लावतीले ५ सय ७ मत ल्याइ बिजयी बनेका थिए भने उनका निकटतम प्रतिस्पर्धी खडकबहादुर बरालको ४ सय ७४ मत र राप्रपाका टठबहादुर घिमिरेले ३ सय ४४ मत ल्याएका थिए । यसैगरी वडा नम्बर २ मा नेकपा एमालेका बालकृष्ण शेर्मा (हाल नेकपा एकीकृत समाजवादी पार्टी ) का ७ सय १ मत काँग्रेसका लोकबहादुर निरौलाको ५ सय ४४ मत र माओवादी केन्द्रका डिकेन्द्रकुमार शेर्माको १ सय ८० मत रहेको थियो । यसरी नै वडा न, ३ मा नेकपा एमालेबाट निर्वाचित रामप्रसाद गजुरेलले ५ सय ५ मत र प्रतिस्पर्धी काँग्रेसका कमलबिक्रम सम्बाहाम्फेले २ सय ९० मत सङ्घीय समाजवादी पार्टीका कबिन्द्र सम्बाहाम्फेले १७ मत ल्याएका हुन् । यसैगरी वडा नम्बर ४ मा नेकपा एमाले पार्टीको तर्फबाट पुर्णकुमार खड्काले ५ सय ५७ मत ल्याएर बिजयी बनेका थिए । उनका प्रतिस्पर्धी लिम्बुवान पार्टीको तर्फबाट सुर्य सम्बाहाम्फेले १ सय ९२ मत साथै नेपाली काँग्रेसका नन्दिकेशर निरौलाले जम्मा ६४ मत प्राप्त गरेका थिए र वडा नम्बर ५ मा नेकपा एमालेका यामबहादुर बोहोराले ७ सय ११ मत र उनका निकटतम प्रतिस्पर्धी माओवादी केन्द्रका महेन्द्रबहादुर खड्का ३ सय ३८ मत र राप्रपाका कुलबहादुर चेम्जोङले जम्मा ४३ मत ल्याएका थिए ।

२०७४ मा भएको स्थानीय निकायको निर्वाचनमा भन्दा यसपटक यस कुम्मायक गाउपालिकामा नेकपा एमालेले निक्कै कडा मेहनत गरेर चुनावी प्रतिस्पर्धाको मैदानमा उत्रिनु पर्ने देखिन्छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

पाँचथरको कुम्मायक गाउँपालिका–१ मा गठबन्धनका पदमा देवेन्द्र कुमार लावती विजयी

कुम्मायक । पाँचथरको कुम्मायक गाउँपालिकाको–१ नम्बर वडामा गठबन्धनतर्फका देवेन्द्र कुमार लावती बहुमतले विजयी बनेका...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

अवसरवादी र अहंकारवादी तत्वलाई मतदान नगर्न लावतीको आग्रह

-पदम सुखी सम्बाहाम्फे पाँचथर । कुम्मायक गाउँपालिका वडा नम्बर १ स्थित साविक वडा नम्बर...

वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया

धरान । बराहक्षेत्र नगरपालिका वडा नम्बर– ३ बाट नेकपा(एमाले)का तर्फबाट वडाअध्यक्षका उम्मेदवार रुद्र दाहालले...

गठबन्धनका उम्मेदवारलाई जिताउन जनआकांक्षाको लहर बढ्दो

-पदम सुखी सम्बाहाम्फे पाँचथर । कुम्मायक गाउपालिकाको ५ वटै वडामा ४ दलीय गठबन्धनको चुनावी...

कुम्मायक गाउँपालिकामा गठबन्धनका उम्मेदवारले स्वतः चुनाव जित्ने दाबी

-पदम सुखी सम्बाहाम्फे पाँचथर, १४ वैशाख । चुनावी मनोनयन दर्ता भएपछि कुम्मायक गाउँपालिकामा पनि...

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा...

दुर्घटनमा मृतक तथा घाइतेको सनाखत

धरान, २ वैशाख । भेडेटार दुर्घटनामा परेका मृतक तथा घाइतेको सनाखत भएको छ ।...