नरेन्द्र खापुङ संयम
तेह्रथुम, १५ चैत्र । तेह्रथुम जिल्लाको मेन्छ्यायेम गाउपालिका–६ का बिक्रम लिम्बू कुखुरा पालेर मनग्ये आम्दानी गरिरहेका छन् । २९ वर्षका बिक्रम कुनैबेला कोरिया जान निक्कै संघर्ष गरे तर कोरिया असफल भएपछि गाउँमा नै केही गर्ने सोचका साथ ५० वटा कुखुरा पालेर व्यवसाय सुरू गरेका हुन् ।
१२ कक्षासम्म अध्ययन गरेका विक्रमले अहिले लेयर्स जातका कुखुरा पालेर मासिक एकलाख आठ हजारदेखि एकलाख सत्तरी हजारसम्मको अण्डा उत्पादन गरिरहेका विक्रमले स्थानीय बजारको मागलाई नै पूरा गर्न नसकेको बताउछन् ।
मेहनतका साथ व्यवसायमा लागिपरेका बिक्रमले बजारको मागलाई पूरा गर्न र व्यवसाय बढाउन खोर निर्माण गरिरहेको र कम्तीमापनि १००० वटा कुखुरा लगाएर गाउँमा नै मासिक ३ लाखदेखि ४ लाखसम्मको अण्डा उत्पादन गर्ने सोच भएको बताए । विस्तारै गाउँपालिकालाई नै अण्डामा आत्मनिर्भर बनाउने पनि बत्ताए सबै युवाहरू केही व्यवसाय गरौ भन्ने प्रेरणा उनी दिन्छन् र भन्छन् ‘युवा व्यवसायी बनेर परिचय दिइरहदा पनि स्थानीय सरकारले खासै चासो राखेको छैन ।’
सबै आफ्नै लगानीमा गरिरहेका उनी मेहनत गरे नेपालमा नै बसेर केही गर्न सकिन्छ गजबका एक उदाहरण हुन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
