पदम सुखी सम्बाहाम्फे
पाँचथर, १५ चैत्र । ‘लागूपदार्थरहित स्वस्थ समुदायका लागि हाम्रो अभियान’ भन्ने मुल नाराका साथ कुम्मायक गाउपालिकाको केन्द्र यासोकमा रहेको पृथ्वी माध्यमिक विद्यालयमा लागू औषध दुव्र्यसन विरुद्धको एकदिने प्रशिक्षण कार्यक्रम सोमबार सम्पन्न भएको छ ।
विद्यालयका विद्यार्थी किशोरी किशोरहरूलाइ लक्षित गर्दै अभिभावक र शिक्षकहरूलाइ समेत दुव्र्यसनीबाट जोगिएर स्वस्थ जीवन जिउने भन्ने उपाय बारे प्रशिक्षण गराइएको थियो । विद्यालयको भवनमा भएको सो प्रशिक्षण कार्यक्रममा लागू पदार्थ भनेको के हो ? लागू पदार्थ दुव्र्यसनबाट कसरी बच्न सकिन्छ ? लागू औषध दुर्ब्यसनका चरणहरू जस्ता विभिन्न बिषयमा प्रशिक्षण गराइएको थियो ।
सहआयोजक कुम्मायक गाउपालिका र प्रमुख आयोजक पुर्व प्रहरी सङ्ग्ठन जिल्ला कार्य समितिद्वारा सञ्चालित सो कार्यक्रमको सहजकर्ता इन्द्रप्रसाद ओली थिए । लागू औषधका कारण शरीरमा उत्तेजना र भ्रम शृजना हुने भएकोले महिला हिंसा घरेलु हिंसा, डिप्रेशन, सुसाइटजस्ता जघन्य अपराध घटना घटन सक्ने भएपछि किशोर किशोरीहरूको आत्मा सुरक्षाका लागि यो कार्यक्रम सन्चालनमा ल्याएको सहजकर्ता ओलिको भनाइ थियो ।
यो कार्यक्रम किशोर किशोरीका लागि मात्र नभएर अबिबाहक सबैलाई उपयोगी हुने गाउपालिका अध्यक्ष जयबहादुर चेम्जोङ्ले बताएका छन् ।
पृथ्वी माध्यमिक विद्यालयका प्रधानध्यापक ऋृषिराम गजुरेल तथा सम्पुर्ण शिक्षक र विद्यार्थीहरूको सो कार्यक्रममा सहभागिता रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
