भिज्युअल आर्टस्को युट्युव च्यानलमार्फत ‘सिटी सफारी’ गीत म्युजिक भिडियोमा सार्वजनिक भएको छ । चोःत्लुङ पार्क गाउने चर्चित जोडी सुनिता संयक लिम्बू र पेपराज लिम्बूको स्वरमा रहेको छ यस गीत ।
चोःत्लुङ पार्कजस्तै चर्चित बन्ने छाँट देखाएको यस गीतमार्फत सविता याक्खा राई मोडलको रुपमा पदार्पण भएकी छिन् । र, राम्रो काम गर्न सक्ने सम्भावना पनि देखाएकी छिन् ।
तर कलाकार बन्ने, पर्दामा झुल्कने रहर सानैदेखि पालेकी थिइनन् रे सविताले । एकैचोटी उनकी भाउजु अनुकला राईले यस गीतमा खेल्नुहोस्, भनेपछि अभिनय गरेको बताउँछिन् । अनुकला यस गीतको लेखिका पनि हुन् ।
धनकुटा नगरपालिकाको वडा नं ३ स्थीत कागतेकी सविताले धनकुटामै विविएस अध्ययनरत छिन् । शुरुमा अभिनय गर्न डर लागे पनि साथीभाई मिजासिलो भएको कारण मज्जा आएको उनको अनुभव छ । भविष्य यसैमा हुनसके प्रयास गर्ने नभए पढाईअनुसारको बैंकक्षेत्रमा जागिर खाने योजना रहेको पनि सुनाइन् ।
सवितासँगै सुशिल चेम्जोङ, सागर सरगम चेम्जोङ, कमल चेम्जोङ (याक्थुङ कान्छा), बादल चेम्जोङ, सुरेन हाङ्गाम लिम्बू, सुप्रिया राई, मौसमी मगर, युवराज राई अलौकिक, एसिका राई, इन्द्र राई, सबीना कुरुम्भङको पनि अभिनय रहेको छ ।
संजय तुम्बाहाम्फेको संगीत, राजु कार्कीको एरेन्ज र हरि ईवाहाङ लिम्बुको निर्देशन रहेको भिडियोमा तमर वारीपारीको कथालाई उनिएको छ ।
भिडियो हेर्नुहोस्
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
