२०७४ सालमा निशाम तुम्बापोको आफ्नै घरमा एउटा चलचित्रको छायांकन भयो । त्यसअघि चलचित्र हेरेको तर छायांकनलाई नजिकबाट देखेको थिइनन् । त्यस छायांकनयता निशामलाई अभिनयमोह जाग्न शुरु भएछ ।
निशामको त्यो मोह ४ वर्ष पछाडि पूरा भएको छ । हालसालै बनेको चलचित्र ‘थिम’मा नायिकाको रुपमा पर्दापण गरेकी छिन् । सागर केरुङको लेखन र यलम्बर खम्बुको निर्देशनमा बनेको चलचित्र ‘थिम’मा निशामले अभिनय गरेकी हुन् ।
रमेश तुम्बापो र मनिकुमारी तुम्बापोको कोखबाट २०५८ सालमा पाँचथर फिदिममा जन्मिएकी निशामको गर्न सके र अवसर पाए यहि क्षेत्रमा अगाडि बढ्ने योजना छ । “यस क्षेत्रमा पाइला मात्र टेकेकी छु, भविष्य यहि पनि हुन सक्छ, अरु नै केही पनि हुन सक्छ” निशामले संक्षिप्तमा बताइन् । साथै पढाईलाई पनि निरन्तरता दिइरहेको के गर्ने भन्ने सोच्न नभ्याएको पनि उनको भनाई थियो ।
निशामबाहेक चलचित्र ‘थिम’मा राजकुमार लिङ्देन, बबिता फोम्बो, कृष्णराज नेम्बाङ, सुक्मिता केरुङ, मानदेव जबेगु, नुनाम केरुङ, डिआर हाङ्सरुम्बा, रतन सिगु, आधार घिमिरे, कमल घिमिरे, भिमबहादुर तुम्बापो, कुमार ढकाल, चेतन घिमिरे, राजेन्द्रकुमार जबेगु, बर्षा खवास, सौभाग्य नेम्बाङ, दिनेश केरुङ, बुद्धराज लिम्बू, हिमा नेम्बाङ, माइकल तुम्बापो, सन्देश सुब्बा, विवस तुम्रोक, डिबि खुदाङ, भीष्म खुदाङ, पबित्रा खुदाङ माबो, एलिसा खुदाङ, जयराम खुदाङ, सम्झना खुदाङ, शुक्र राई, राजकुमार इम्बुङ, मनि हाङ इम्बुङ, राम कुमार चाम्लिङ, मनाहाङ खेवाङ, लक्ष्मीमाया बेघा खुदाङ, डिल्लीराम खुदाङ, धनबहादुर खुदाङ, बलबहादुर खुदाङ, जितबहादुर खुदाङ्ग लगायतको अभिनय रहेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
