बेल्ट एण्ड रोड साहित्यिक सञ्जाल स्थापना - Naya Online

बेल्ट एण्ड रोड साहित्यिक सञ्जाल स्थापना

काठमाडौंँ, १४ भदौं । चिनियाँ लेखक सङ्घ संस्थापक र नेपाल प्रज्ञा–प्रतिष्ठानसमेत सहसंस्थापक रहेको बेल्ट एण्ड रोडसँग सम्बन्धित साहित्यिक संस्था ‘लिटरेरी नेटवर्क अफ द बेल्ट एण्ड रोड’ (बेल्ट एण्ड रोड साहित्यिक सञ्जाल) स्थापना भएको छ ।

साहित्य, संस्कृति र सभ्यताको अध्ययन–अनुसन्धान, अनुवाद, प्रतिलिपि अधिकारको संरक्षण, प्रकाशन, साहित्यिक एवम् सांस्कृतिक आदन–प्रदान आदि गर्ने उद्देश्यका साथ बेल्ट एण्ड रोड साहित्यिक नेटवर्कको स्थापना गरिएको हो ।

बेल्ट एण्ड रोडसँग जोडिएका सयभन्दा बढी देशका सरकारी प्रज्ञा–प्रतिष्ठानहरूलाई समेटेर उक्त सञ्जालको स्थापना गरिएको हो । सेप्टेम्बर ७ तारिकका दिन बेइजिङमा वेबिनारका माध्यमबाट आयोजित एक समारोहबिच उक्त बृहत् सञ्जाल स्थापनाको घोषणा गरिएको थियो ।

उक्त समारोहमा नवगठित संस्थाको सहसंस्थापकका रूपमा नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले भर्चुअल माध्यमबाट सम्बोधन गर्नुभएको थियो ।

समारोहलाई सम्बोधन गर्दै उहाँले भन्नुभयो– “पूर्वीय दर्शनको मूल देश, भगवान् बुद्धको जन्मस्थान र सगरमाथको देश नेपालका तर्फबाट म यस ऐतिहासिक समारोहमा सहभागी सबैप्रति हार्दिक स्वागत अविभादनका साथै बधाई ज्ञापन गर्दछु । ‘लिटरेरी नेटवर्क अफ द बेल्ट एण्ड रोड’ (बेल्ट एण्ड रोड साहित्यिक सञ्जाल)को स्थापना आफैँमा एक ऐतिहासिक घटना हो । आफ्ना वैभव र अनुभवको आदान–प्रदान गर्नका लागि यो साझा मञ्च निकै प्रभावकारी हुनेछ मैले मैले विश्वास लिएको छु ।”

उहाँले भन्नुभयो– “यो प्रतिस्पर्धी संसारमा हामी एक्लै हिँडेर कहीँ पुग्न सक्दैनौँ, आपसी समझदारीका साथ एकआपसमा सहकार्य गरेमा हामी अवश्य पनि लक्ष्यमा पुग्ने छौँ । त्यसका लागि यो उपयुक्त मञ्च हुनेछ ।”

चिनियाँ लेखक सङ्घका अध्यक्ष थी निङ समारोहमा उपस्थित हुनुभएको थियो । उहाँले आजको युगमा आपसी सहकार्यको अपरिहार्यता रहेकोमा भन्दै बेल्ट एण्ड रोड साहित्यिक सञ्जालले यस क्षेत्रमा असीमित कार्यहरू गर्न सक्ने बताउनुभयो ।

माओ तुन साहित्य पुरस्कार विजेता ल्यु चेनयुन, गे केइ र अनलाइन साहित्य लेखक थान्जिया सानसाओसहित चिनियाँ प्रतिनिधि लेखक÷साहित्यकारहरू, चीन पब्लिसिङ्ग गु्रप, पिपुल्स लिटरेचर पब्लिसिङ्ग हाउस, पिपुल्स लिटरेचर पत्रिका, राइटर्स पब्लिसिङ्ग हाउसका प्रतिनिधि, अन्य प्रकाशन संस्थाका प्रतिनिधिहरूका साथै चिनियाँ कम्युनिस्ट पार्टीका नेताहरू समेत समारोहमा सहभागिता रहेको थियो ।

चिनियाँ लेखक सङ्घका सचिवालय सचिव हु झाङ सेनको अध्यक्षतामा आयोजित कार्यक्रममा भर्चुअल माध्यमबाट नेपाल, संयुक्त अरब इमिरेट्स, पाकिस्तान, प्यालेस्टाइन, फिलिपिन्स, कजाकिस्तान, दक्षिण कोरिया, कम्बोडिया, लाओस, मलेसिया, मङ्गोलिया, म्यानमार, नेपाल, जापान, थाइल्यान्ड, टर्की, सिंगापुर, इन्डोनेसिया आदि मुलुकको सहभागिता रहेको थियो ।

यसै गरी उक्त समारोहमा इरान, जोर्डन, इजिप्ट, मोरक्को, ट्युनिसिया, बुल्गेरिया, म्यासेडोनिया, पोल्यान्ड, रूस, चेक गणतन्त्र, रोमानिया, सर्बिया, ग्रीस, हङ्गेरी, डोमिनिकन गणतन्त्र, क्युबा, अर्जेन्टिना र चिली आदिको भर्चुअल उपस्थिति रहेको थियो । सञ्जालको सचिवालय बेइजिङस्थित चिनियाँ लेखक सङ्घको कार्यालयमा रहेको छ ।

बेल्ट एण्ड रोड साहित्यिक नेटवर्कको आधिकारिक वेबसाइट www.brliterature.com को पनि सोही दिन शुभारम्भ गरिएको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

महिला शक्ति विकास केन्द्रद्वारा कुम्मायकमा एकदिने कार्यक्रम

पदम सुखी सम्बाहाम्फे पाँचथर, ६ माघ । कुम्मायक गाउँपालिकाको केन्द्र यासोकमा आज महिला नेतृत्व...

सञ्जय तुम्बाहाम्फेकृत ‘सृष्टिको याङदाङ’ लोकर्पण

ललितपुर, ४ माघ । कवि सञ्जय तुम्बाहाम्फेको कविताकृति ‘सृष्टिको याङदाङ’ ललितपुरस्थीत चुम्लुङहिममा लोकार्पण भएको...

अक्सिजन कन्सन्ट्रेटर मेशिन गाउँपालिकालाई हस्तान्तरण

पदम सुखी सम्बाहाम्फे पाँचथर, ४ माघ । कुम्मायक गाउँपालिकाको स्वास्थ शाखा कार्यालय यासोकलाई तेजकुमार...

दयालको पुस्तक ‘खपर्‍या एवम् देवताहरूबिचको द्वन्द्व र सृजित विभेद’ प्रकाशित

विराटनगर, ४ माघ । नेपाल प्रज्ञा–प्रतिष्ठानद्वारा ‘खपर्‍या एवम् देवताहरूबिचको द्वन्द्व र सृजित विभेद’ नामक...

पोक्लाबाङ यक माङ्गेन्ना लुङ्धुङको प्रथम साधारणसभा सम्पन्न

तेह्रथुम, १ माघ । फेदाप पोक्लाबाङ यक माङ्गेन्ना लुङ्धुङ थामरुङ फेदापको प्रथम साधारणसभा सम्पन्न...

सेहोनाम्लाङमा कियाचु पाँचथरको ताम्भुङ्चा (वनभोज) कार्यक्रम

पदम सुखी सम्बाहाम्फे पाँचथर, १ माघ । किरात याक्थुङ चुम्लुङ जिल्ला शाखा पाँचथरको आयोजनामा...

प्रदेश प्रमुख खापुङद्वारा माघे संक्रान्तिको शुभकामना व्यक्त

विराटनगर, १ माघ । प्रदेश नं. १ का प्रदेश प्रमुख माननीय परशुराम खापुङद्वारा माघे...

भेन र मोटरसाइकल एकआपसमा ठक्कर खाँदा २१ वर्षीय पवन लिम्बुको मृत्यु

मोरङ, २९ पुस । उर्लाबारी नगरपालिका–७ ग्राण्ड होटल नजिक भेन र मोटरसाइकल एकआपसमा ठक्कर...

पाःलाम ‘सिरिजङ्गा तङ्नाम’को छायांकन सम्पन्न

काठमाडौं । लिम्बू भाषाको पाःलाम ‘सिरिजङ्गा तङ्नाम’को बुधबार छायांकन सम्पन्न भएको छ । पाःलाममा...

‘सिरिजङ्गा तङ्नाम्’को भिडियो छायांकन सम्पन्न

काठमाडौ – लिम्बू भाषाको पालाम ‘सिरिजङ्गा तङ्नाम’को बुधबार छायांकन सम्पन्न भएको छ । सिक्किमस्थित...