धरान, २६ भदौ । चौबिसे समाज धरानद्वारा चौबिसे सङ्घ ढाका उद्योगका सन्चालिका यमुना तुम्सा सङ्यक सम्मानित भएकी छन् । नेपाल सरकार अवकास प्राप्त उपसचिव तुल्सिनारायण अधिकारीको प्रमुख आथित्यतामा सम्पन्न एक समारोहबिच उनलाई सम्मान गरिएको हो ।
आयोजक चौबिसे समाज धरानका अनुसार चौबिसे क्षेत्रका सफल महिला व्यावसायी भएकिले उनलाई सम्मान गरिएको हो ।
बिगत चार बर्षदेखि उनले धरानमा चौबिसे सङ्यक ढाका उद्योग सन्चालन गर्दै आएकी छन् । उक्त उद्योगमा प्रत्यक्ष र अप्रत्यक्ष गरि करिब एकसय जना भन्दा धेरै महिला दिदिबहिनीले रोजगार पाईरहेका छन् । उनले आफ्नो उद्योगको हातेतानबाट उत्पादित मौलिक नेपाली ढाका कपडा नेपाल बाहेक विश्वको करिब डेड दर्जन देशहरुमा समेत नेपाली ग्राहकमाझ निर्यात गर्दै आएकी छन् । व्यावसायसँगै सामाजिक र सांस्कृतिक सेवामा समेत यमुना सक्रिय छन् ।
उनी याक्थुङ साक्थिमिबा सयङका संस्थापक सदस्य समेत हुन् ।
बोल्ने क्रममा यस्तो सम्मान कार्यक्रमले अझ सक्रिय रुपले काम गर्ने हौसला र प्रेरणा मिलेको र आगामी दिनमा चौबिसे समाजलाई चिनाउनका साथै महिला दिदीबहिनीको लागि प्रेरणादायी काम गर्ने प्रतिबद्दता जनाएकी छन् ।
उक्त कार्यक्रममा उनीसँगै अन्य चौबिस क्षेत्रका उच्च शिक्षा हासिल गरेका व्याक्तित्वहरू समेत सम्मानित भएका थिए ।
प्रमुख अतिथि तुल्सिनारायण अधिकारीकोले सम्मानित सबैजनालाई बधाई तथा शुभकामना दिदै यस्तो कार्यक्रमले अरुलाई समेत हौसला र प्रेरणा मिल्ने बताए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
