काठमाडौ, १८ भदौ । अमेरिकाको न्यूयोर्कमा आँधी र भीषण वर्षाका कारण आएको बाढीमा परी ३ नेपालीको मृत्यु भएको छ ।

बाढीमा परी सोलुखुम्बु जिल्ला दुधकुण्ड नगरपालिका–२ जुनवेशी स्थायी घर भइ हाल न्युयोर्कमा बसोबास गर्दै आएका ५० बर्षीय आङ गेलु लामा, उनकी पत्नी ४८ बर्षीय मिङमा शेर्पा र १९ महिनाको छोरा लोप्साङ लामाको मृत्यु भएको हो ।

लामा परिवारको घरबेटीका अनुसार डुबानमा परेर उनिहरुको मृत्यु भएको हो । घरबेटी दोस्रो तलामा थिइन् । “बाहिर निस्कन असम्भव थियो किनकी पानी पहिले नै मेरो घुँडा सम्म आइसकेको थियो । म दोस्रो तलामा थिएँ । अब तपाइँ कल्पना गर्न सक्नुहुन्छ, बेसमेन्टमा के भयो होला ? “पानी सीढीसँग पूल जस्तै बनेको थियो, उनले भनिन् ।

उनका अनुसार लामा परिवारको घरमा बाढी पस्न थालेपछि उनीहरुले घरमालिकलाई मद्दतको लागी बोलाए, तर बोलाको केही मिनेटमै उनीहरु डुबानमा परेका थिए ।

प्रहरीका अनुसार उनीहरुको शव बिहान ३ः३० बजे फेला परेको थियो । लामा परिवारमा घटेको उक्त घटना थाहा पाएपछि लोप्साङको शिक्षक मार्थाले भनिन् । घटना थाहा पाएपछि उनि खुब रोइन् । “म स्तब्ध छु,” उनले भनिन् ।

अमेरिकामा हालसम्म ६ वटा राज्यमा वर्षा ,बाढी र घुम्रपात (टोरनाड़ो )को कारण ४५ जनाको मृत्यु भइसकेको छ भने न्यूजर्सीमा मात्र २३ जनाको मृत्यु भएको छ ।