सुज अभियानको सुनसरीमा जिम्मेवारी वाँडफाँड - Naya Online

सुज अभियानको सुनसरीमा जिम्मेवारी वाँडफाँड

धरान, १६ भदौ । जनता समाजवादी पार्टी, नेपाल (जसपा) सुनसरीले पार्टीको चार महिने संगठन सुदृढीकरण तथा जनजागरण (सुज) अभियान सम्पन्न गर्न तहगत जिम्मेवारी तोकेको छ ।

सुज अभियान सुनसरी जिल्ला संयोजक एवम् पार्टीका केन्द्रीय कार्यकारिणी सदस्य परशुराम बस्नेतले दिएको जानकारी अनुसार बुधबार जसपा प्रदेश कार्यालय इटहरीमा सम्पन्न कार्य योजना बैठकले अभियान सफल पार्न निर्वाचन क्षेत्रहरुमा संयोजक तोकेको हो ।

सुनसरी सङ्घीय निर्वाचन क्षेत्र १, २, ३ र ४ मा क्रमशः दीपक मेन्याङ्बो, उमेशकुमार थापा, दिनेश मेहता र गरिगोविन्द यादवलाई सुज अभियान संयोजकको जिम्मेवारी दिइएको छ । उनीहरु जसपा केन्द्रीय सदस्य हुन् ।

त्यस्तै बैठकले प्रदेश निर्वाचन क्षेत्र अन्तरगत सुनसरी १ को (क) र (ख) मा क्रमशः कृष्ण लिम्बू र मेमकुमार चाम्लिङलाई संयोजक तोकेको बताइएको छ । त्यसैगरी सुनसरी ४ को (क) र (ख) मा क्रमशः सविता यादव र मनोज यादवलाई जिम्मेवारी तोकिएको बस्नेतले जानकारी दिए ।

सुज अभियान सम्बन्धी अभिमुखीकरण सहित आयोजित बैठकमा नै संयोजक बस्नेत र जसपा प्रदेश १ अध्यक्ष प्रवीण चाम्लिङले अभियान सञ्चालन, अभियान संयोजकहरुको भूमिका लगायत विषयमा बोलेका थिए ।

त्यस्तै केन्द्रीय सल्लाहकारद्वय भूनेस्वर यादव र ध्रुव सुब्बा, केन्द्रीय सदस्य भीम राई र शिल्पी विशेष समितिका अध्यक्ष समेत रहेका अर्का केन्द्रीय सदस्य दलमर्दन कामीलगायतले अभियान सफलताको शुभकामना व्यक्त गरेका थिए ।

सुज अभियान सुनसरी सचिवालय गठन सहित बुधबारको बैठकले सदस्य–सचिव तोक्ने जिम्मेवारी संयोजकलाई नै दिएको छ । संयोजक बस्नेतले सो बारे आवश्यक प्रक्रिया अघि बढेको जानकारी दिएका छन् । समाचार स्रोतका अनुसार प्रदेश सदस्य राम माण्डुपा राईलाई सो जिम्मेवारी दिइने छ ।

जसपाले सुनसरीका १२ वटा स्थानीय तहहरु मध्ये भोक्राहा, हरिनगरा, बर्जु र देवानगञ्ज गाउँपालिका र धरान उपमहानगरपालिकामा पार्टी समायोजन कार्य सम्पन्न गरिसकेको जनाएको छ ।

बाँकी रहेका ७ वटा स्थानीय तहहरु इटहरी उपमहानगरपालिका, दुहवी, रामधुनी, बराहक्षेत्र, इनरुवा नगरपालिका, गढी र कोशी गाउँपालिकामा पार्टी समायोजन कार्य सुज अभियानकै समयमा सम्पन्न हुने छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

अक्सिजन कन्सन्ट्रेटर मेशिन गाउँपालिकालाई हस्तान्तरण

पदम सुखी सम्बाहाम्फे पाँचथर, ४ माघ । कुम्मायक गाउँपालिकाको स्वास्थ शाखा कार्यालय यासोकलाई तेजकुमार...

ठेक्केदारको कारण लुम्भुघाट पुलको काम अलपत्र

पदम सुखी सम्बाहाम्फे पाँचथर, ४ माघ । पाँचथर र तेह्रथुम जिल्ला जोडिने लुम्भुघाट पक्की...

‘अक्षर अक्षरमा देश’ लिएर आए दीपक समीप

पोखरा । मुक्तककार दीपक समीपको मुक्तक संग्रह ‘अक्षर अक्षरमा देश’ को एक भव्य समारोहबीच...

नेपाली प्रतिभा प्रतिष्ठान, बेलायतको सम्मान डा. बराललाई र पुरस्कार संगीतकार गुरुङलाई

काठमाडौँ, १ माघ । नेपाली प्रतिभा प्रतिष्ठान, बेलायतले सन् २०२१ का लागि सम्मान तथा...

पोक्लाबाङ यक माङ्गेन्ना लुङ्धुङको प्रथम साधारणसभा सम्पन्न

तेह्रथुम, १ माघ । फेदाप पोक्लाबाङ यक माङ्गेन्ना लुङ्धुङ थामरुङ फेदापको प्रथम साधारणसभा सम्पन्न...

न्यु जनकल्याणकारी साकोसको १६ औं वार्षिक साधरण सभा सम्पन्न

इटहरी, १ माघ । न्यू जनकल्याणकारी साकोसको १६ औं वार्षिक साधारण सभा सम्पन्न भएको...

प्रदेश प्रमुख खापुङद्वारा माघे संक्रान्तिको शुभकामना व्यक्त

विराटनगर, १ माघ । प्रदेश नं. १ का प्रदेश प्रमुख माननीय परशुराम खापुङद्वारा माघे...

कुम्मायक गाउपालिकाको एघारौ गाउसभा सम्पन्न

पदम सुखी सम्बाहाम्फे पाँचथर, १ माघ । कुम्मायक गाउपालिकाको एघारौं गाउँसभा बैठक सम्पन्न भएको...

रक्साना लिम्बु जिाताउ अभियान अन्तर्गत अमेरिका निवासी किशोर सुब्बाको सहयोग

काठमाडौ, २९ पुस । सुमधुर स्वरकी धनी रुक्साना लिम्बु विविध विधाका गीतहरु गाउन सक्ने...

धरानमा गुञ्जियो सीमानापारिका कवि र कविता

-प्रकाश दिप्साली राई/नडाहा कुनै दिन खोलाबाट पानी भाग्यो भने आँखाबाट सपनाहरू भागे भने सम्झनु...