न्युयोर्क, ४ अगष्ट । काठमाडौँकी एलिसा गुरुङले मिस नेपाल नर्थ अमेरिकामा भाग लिएकी छिन् ।
लमजुङ नल्मा पुख्र्यौली थलो रहेको एलिसा अध्ययनको लागि अमेरिका रहेकी छिन् । त्यहाँ हेल्थ इन्फर्मेशन टेक्नोलोजीका स्नातक गर्दै आएकी एलिसाले आगामी अगष्ट ७ मा ग्राण्ड फिनाले हुँदै गरेको मिस नेपाल नर्थ अमेरिकामा भाग लिएकी हुन् ।
ललितपुरस्थीत लिटिल एन्जेल स्कुल हातिवनबाट एसएलसी गरेपश्चात कोरियामा कार्यरत आमाबुबा जुनु गुरुङ र रिसमान गुरुङको साथमा पुगेकी थिइन् । त्यहाँबाट +२ को शिक्षा हासिल गरेपछि अमेरिका पुगेकी हुन् ।
बच्चाको स्वास्थ्य र महिला अधिकारमा चासो राख्ने एलिसाले भविष्यमा यिनै विषयमा कार्य गर्ने सोच बनाएकी छिन् ।
उक्त आयोजनाको लागि कलाकार तथा टेलिभिजनकर्मी सुरजसिंह ठकुरी, मिस नेपाल श्रृङ्खला खतिवडा अमेरिका पुगिसकेका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
