खड्ग ठाडा मगर (लघुकथा) - Naya Online

खड्ग ठाडा मगर (लघुकथा)

म्यामराज राई

भानुजयन्तीको अवसर पारेर संसारभर नेपाली भाषी समुदायमा विभिन्न साहित्यिक कार्यक्रमको आयोजना भएको उहिले आदिकवि भानुभक्त आचार्यको पालामै स्वर्गवास भएका खड्ग ठाडा मगरले यो पटक स्वर्गबाट धर्तीमा झरेर सबैतिर अवलोकन गर्दै थिए । जसमध्ये एक ठाउँको कार्यक्रममा भने अलिक बेर बसेर हेर्ने निर्णय गरे। भानुभक्तको चर्चापरिचर्चा राम्रो तरिकाले गर्दै थिए, घाँसी पनि जोड्दै–जोड्दै । त्यहाँ उपस्थित वक्ताहरू भाषणद्वारा तथा प्रतियोगीहरूले कवितामार्फत ।
स्वागत मन्तव्य सके लगत्तै भाषणबाजी शुरु भयो ।

घाँसीसँग भेट नभएको भए, भानुभक्त कोबाट प्रेरित हुन्थे होला ? भन्दै दर्शकमाझ पहिलो वक्ताले आफ्नो भाषण शुरु गरे । ‘संस्कृत भाषाको रामायण महाकाव्यलाई नेपाली भाषामा अनुवाद गरेका कारण आदिकवि तथा राष्ट्रिय विभूतिको रूपमा भानुभक्तलाई सम्मान गरिएको हो । मोतीराम भट्टले छरपष्टिएका भानुभक्तका पाण्डुलिपिहरू पुस्तकाकार बनाए । यो चानचुन कुरो हैन ।’

सबैतिर ताली बज्छ । घाँसीले पनि ताली बजाए । (पूरा नामबाट बोलाउँदा उनीहरूको के बिग्रिन्थ्यो । मनमनै गनगनाउँदै ।)

दोस्रो वक्ता आए ।

‘उत्प्रेरक घाँसी हुन् । मरेर लानु के छ र ! कम्तिमा एउटा राम्रो काम गर्नुपर्छ भन्दै घाँसीले कुवा खने । त्यसपछि पो भानुभक्तले कविता लेखन शुरु गरेका हुन् ।’

स्टेज तथा दर्शकहरूबाट परर ताली बज्छ । घाँसीले पनि औपचारिकता पूरा गरे । (झन् गनगनाउँदै ।)
पछिल्लो वक्ताको पालो थियो ।

घाँसीबाट प्रेरणा पाए । भानुभक्त आचार्यले संस्कृत भाषाले गाँजेको नेपाली भाषालाई प्राथमिकताको भाषामा पुर्याए । त्यसपछि मोतीरामले भानुभक्तलाई मोतीझैँ चम्काए तर, आदिकवि हुनको लागि प्रमुख स्रोत बनेका घाँसीको पूरा नाम,थर के होला? घाँसी भनेको त पेशा हो ।

ताली बज्न नपाउँदै दाहिने हात उठाएर झटपट गहुँगोरो वर्ण, नाक थेप्चो व्यक्ति दर्शकबीचबाट उभेको देखिन्छ ।

‘झोर्ले, घाँसीको नाम र थर; खड्ग ठाडा मगर हो, जो म नै हुँ ।’

भोजपुर, हाल: जापान

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

सञ्जय तुम्बाहाम्फेकृत ‘सृष्टिको याङदाङ’ लोकर्पण

ललितपुर, ४ माघ । कवि सञ्जय तुम्बाहाम्फेको कविताकृति ‘सृष्टिको याङदाङ’ ललितपुरस्थीत चुम्लुङहिममा लोकार्पण भएको...

दयालको पुस्तक ‘खपर्‍या एवम् देवताहरूबिचको द्वन्द्व र सृजित विभेद’ प्रकाशित

विराटनगर, ४ माघ । नेपाल प्रज्ञा–प्रतिष्ठानद्वारा ‘खपर्‍या एवम् देवताहरूबिचको द्वन्द्व र सृजित विभेद’ नामक...

‘अक्षर अक्षरमा देश’ लिएर आए दीपक समीप

पोखरा । मुक्तककार दीपक समीपको मुक्तक संग्रह ‘अक्षर अक्षरमा देश’ को एक भव्य समारोहबीच...

कविता: रुक्साना फूङ्

-दिलदुखी जन्तरे रुक्साना ! आसेवारो हाउ तिमीले जित्नुपर्छ ल । तिनपाते पलाउदै गरेको सानो...

धरानमा गुञ्जियो सीमानापारिका कवि र कविता

-प्रकाश दिप्साली राई/नडाहा कुनै दिन खोलाबाट पानी भाग्यो भने आँखाबाट सपनाहरू भागे भने सम्झनु...

स्वर्णिम साहित्य पुरस्कार कोषको संयोजकमा शारदा निरौला ‘शारु’

काठमाडौ, २७ पुस । स्वर्णिम साहित्य समाज, बराहक्षेत्र –३, सुनसरीले स्थापना गरेको स्वर्णिम साहित्य...

विनेसाम जापानको दोश्रो अधिवेशन सम्पन्न, नेतृत्वमा पुनः इङ्नाम

जापान, १० जनवरी । जनवरी ९ तारिकमा जापानको टोकियोस्थीत विश्व नेपाली साहित्य महासङ्घ (विनेसाम)...

कवि रोशन तिमिल्सिनाको कविता सङ्ग्रह सार्वजनिक

कास्की । पोखरा निवासी युवा कवि रोशन तिमिल्सिनाको नविनतम कविता कृति “चिरिएका पैताला” सार्वजनिक...

स्वर्णिम साहित्य समाजले गर्‍यो पुरस्कार र सम्मानको अक्षयकोष घोषणा

धरान । स्वर्णिम साहित्य समाज, बराहक्षेत्र –३, सुनसरीले कला र साहित्यमा समर्पित हुने सर्जक...

यो वर्षको पहिचान पुरस्कार ‘पथेर’ र ‘कदम’लाई

नडाहा, ७ पुस । यो वर्ष (२०७८)को पहिचान पुरस्कार श्याम शाहको कथा संग्रह ‘पथेर’,...