असार १८ । पाँचथरको कुम्मायक गाउँपालिकालाई यासोक देउराली क्षेत्र सेवा समाज काठमाण्डौले स्वास्थ्य सामाग्री सहयोग गरेको छ । कोरोना भाइरसको माहामारी रोकथाम तथा न्यूनीकरण गर्न समाजले अक्सिजन सहितको स्वास्थ्य सामाग्री सहयोग गरेको हो ।
समाजसेवी भक्तिमान सुब्बा सम्बाहाम्फेको पहलमा स्वास्थ्य सेवा बिभाग मार्फत ५ लाख मुल्य बराबरको स्वास्थ सामाग्री गाउँपालिकामा रहेको कोरोना भाइरस संक्रमण रोकथाम नियन्त्रण तथा उपचार कोषलाइ हस्तान्त्रण गराएको हो । गाउँपालिकाको कार्यालयमा आयोजित एक कार्यक्रममा सेवा समाजका राहत बितरण संयोजक भीम सम्बाहाम्फेले कुम्मायक गाउपालिकाका अध्यक्ष जयबहादुर चेम्जोङलाई उक्त स्वास्थ्य सामाग्री हस्तान्त्रण गरेका थिए । ग्रामीण स्तरमा कोभिड प्रभावित नागरिकलाई तत्काल सहयोग पु¥याउने उद्देश्यले ३ थान अक्सिजन, ५ थान पल्स अक्सिमिटर, सेनिटाइजर २० लिटर, सहित गमबुट २० थान जस्ता स्वास्थ सामग्री गाउपालिकामा रहेको सो कोषमा हस्तान्तरण गराइएको सस्थाका सचीव बिन्देश्वर खनालले जानकारी दिए ।
यसैगरी दक्षिण कोरियामा कर्यरत युवाहरुले पनि कुम्मायक गाउँपालिकामा कोरोना भाइरसको संक्रमण बढ्दो मात्रामा रहेकोले उक्त कोषमा स्वास्थ सामग्री तथा आर्थिक सहयोग जुटाएका छन् । दिनरात नभनी पराइ भूुमिमा श्रम गरिरहेका युवाहरुले माहामारीको समयमा ३ लाख भन्दा बढी मूल्यको स्वास्थ्य सामाग्री सहित बिभिन्न उपकरणहरु सो कोषमा जम्मा गरिएको जनाइएको छ । रोजगारीको शिलशिलामा प्रवासमा रहेका यश गाउँपालिकाका युवाहरुले ३ लाख ४७ हजार २ सय १२ रुपैयाँ मूल्य बराबरको १० थान अक्सिजन, सेनिटाइजर, माक्स लगायत सामाग्री सहयोग गरेका छन् । त्यस्तै ५ वटै वडालाई ५१ हजार मूल्यको औषधी गरी ३ लाख ९८ हजार २ सय १२ रुपैयाँको स्वास्थ्य सामाग्री पनि छिट्टै बितरण हुने मञ्चका सदस्य हुकुमबीर लावतीले बताएका छन् । माहामारीको यो विषम परिस्थितिमा यसरि देश बिदेशबाट स्वास्थ्य सामाग्री सहयोग गरेको भन्दै गाउँपालिका अध्यक्ष जयबहादुर चेम्जोङले देश बिदेशमा रहेका युवाहरु साथै विभिन्न संघसस्थाहरु प्रति कृतज्ञता व्यक्त गरेका छन् । उनले स्वदेश तथा बिदेशको भूमिमा रहेर पसिना बगाइ कमाएको रकमबाट आफ्नो गाउँपालिकावासीको स्वास्थ्यमा ठूलो राहत पुग्ने भन्दै सबैको योग्दानलाई कहिलै नभुल्ने बताए ।
स्वास्थ्य सामाग्री हस्तान्तरण कार्यक्रममा गाउँपालिका उपाध्यक्ष सिता आचार्य, प्रमुख प्रशासकीय अधिकृत गणेश अधिकारी, कुम्मायक १ का वडा अध्यक्ष देबेन्द्रकुमार लावती यसैगरी ५ का वडा अध्यक्ष यामबहादुर खड्का वडा नम्बर ३ का वडा अध्यक्ष राम गजुरेल साथै स्वास्थ्य शाखा प्रमुख केदारबहादुर खड्का लगायतको उपस्थीति समेत रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
