वराहक्षेत्र नपाको वडा नम्बर ३ को कार्यालय नडाहा उत्तम बिन्दु हो –केशव पुरी - Naya Online

वराहक्षेत्र नपाको वडा नम्बर ३ को कार्यालय नडाहा उत्तम बिन्दु हो –केशव पुरी

नडाहामा वराहाक्षेत्र ३ को वडा कार्यालयको शिलान्यास शनिबार भएको छ । नगरपालिकाबाट बजेट उपलब्ध नहुने र स्वतस्फूर्त रुपमा स्थानीय जनताहरू आफैँ नै वडा कार्यालय बनाउनु पर्छ भन्दै ९ सदस्यीय वडाकार्यालय निर्माण समिति र सल्लाहकार समितिसमेत चयन गरिएको थियो । निर्माण समितिका अध्यक्ष भने स्थानीय युवा बुद्धिजीवी केशव पुरी रहेका छन् । आफ्नो गाउँलाई समृद्ध बनाउन भनेरै परदेश मोह त्यागेर आफ्नै गाउमा समाजसेवामा समर्पित छन् । उनै वडाकार्यालय निर्माण समितिका अध्यक्ष पुरीसङ्ग वडाकार्यालय निर्माण सम्बन्धी ताजा अवस्था र सोही विषयलाई लिएर भैरहेका बिभिन्न खाले तर्क बितर्कका बारेमा नयाँ अनलाईनले गरेको कुराकानीको अंश यहाँ प्रस्तुत गरिएको छ ।

वडाकार्यालय निर्माणको कार्य कसरी अगाडी बढाउदै हुनुहुन्छ ?
वडा कार्यालय निर्माण समिति, सहयोग तथा सल्लहाकार समिति, जनप्रतिनिधि, बुद्धिजीवी एवं समाजसेवीहरूको सामुहिक निर्णयपश्चात वडा कार्यालय निर्माणका निमित्त स्वतस्फुर्तरुपमा आर्थिक सहयोग गर्न चाहनुहुने व्यक्तिहरूबाट सहयोग सङ्कलन गर्ने र समाजमा सहयोगी, उपकारी एवम विकासप्रेमी भावना भएका व्यक्तिहरूलाई आर्थिक सहयोग गर्नका लागि अनुरोध गर्ने कार्य जारी छ ।

नडाहाको वडाकार्यालयको शिलान्यासको समाचार भ्रामक हो भन्दैछ्न नि ?
शिलान्यासको समाचार सत्य हो, जसले यो समाचारलाई भ्रामक भन्नु हुँदैंछ उँहाहरूले वराहक्षेत्र नगरपालिका वडा नम्बर तीनको वडा अध्यक्षसँग यो विषयमा जानकारी लिन सक्नुहुनेछ ।

वडा कार्यालय निर्माणको विषयलाई लिएर सामाजिक सञ्जालमा निक्कै तर्क वितर्क छ नि ?
यो विषयलाई लिएर सामाजिक सञ्जालमा तर्क वितर्क हुनु नपर्ने हो, वडावासीलाई वडा कार्यालयको आवश्यकता छ र वडा कार्यालय निर्माणका निमित्त स्थानीय ऐनमा व्यवस्था भए अनुसार सम्बन्धित वडाअध्यक्षले वडा कार्यालय भवनको २०७७ बैशाख २७ गते नडाहामा विधिवत ढंगले शिलान्याश गरिसक्नु भएको अवस्थामा यस बारेमा कुनै प्रकारको तर्क वितर्क गरिरहनुको अर्थ छैन ।

नडाहामा सिलान्यास भएको वडाकार्यालयलाई त सभाहलको सज्ञा पनि दिदैछन रे नि ?
मलाई त्यस्तो लाग्दैन । जिम्मेवार र सचेत नागरिक या समाजका अगुवाहरूले वडा कार्यालय भवनको शिलान्यासलाई सभाहलको शिलान्याश भन्नु हुन्छ भने उहाहरूलाई आफ्नो अभिव्यक्ति सच्याउन र जिम्मेवार भएर प्रस्तुत हुन अनुरोध गर्दछु ।

नडाहामा नै वडाकार्यालय निर्माण बन्ने आधार चै के के छन् ?
यातायातको सहज पहुँच नै वडा कार्यालय भवन निर्माणको मुख्य आधार हो । अहिलेको समयमा मानिसहरू अत्यन्तै व्यस्त हुने र थोरै समयमा धेरै काम हरू गर्नुपर्ने अवस्थामा छन्, वडा कार्यालय नडाहा चोकमा रहेपछि वडा कार्यालयमा आफ्नो काम सकेर अन्य कामका लागि अरु ठाउँ जान छिटो हुने र विल्कुल नयाँ मानिसलाई पनि वडा कार्यालय जाने बाटो बताउन र बुझाउन एकदमै सजिलो हुने, सातवटा बाटाहरूले छोएको चोक भएको हुँदा आम जनताको सेवा र सुविधालाई केन्द्रमा राखी मध्यनजर गर्दा नडाहा चोक नै उचित स्थान हुन आउँदछ जसले वडा कार्यालय भवन निर्माणको आधार तय गरेको छ ।

नगरपालिकाबाट त बजेट उपलब्ध नहुने कुरो रहेछ, यस्तो अवस्थामा कसरी निर्माण सम्पन्न गर्न सकिएला ?
नगरपालिकाबाट आवश्यक बजेट उपलब्ध नभए पनि स्थानीयवासीहरूको हौसला, साथ र सहयोग प्राप्त भएको छ र हुनेक्रम जारी छ । त्यसकारण, भवन निर्माण कार्य समयमै सम्पन्न गर्न सक्छौं भन्नेमा विश्वस्त छु । वास्तवमा, जनताले आफ्ना लागि चाहिने वडा कार्यालयको भवन आफ्नै खर्चमा निर्माण गर्न जुट्नु भनेको पक्कै पनि सर्हा्निय र उदाहरणीय काम हो, यसको उपल्लो निकायहरूबाट उचित मुल्यांकन गरिनु आवश्यक छ ।

सहयोग के कस्तो भैरहेको छ ?
नैतिक, भौतिक तथा आर्थिक सहयोगहरू हामीले सोचेको भन्दा धेरै उत्साहका साथ प्राप्त भैरहेका छन् । जसले गर्दा हामी यो कार्य चाडै सम्पन्न गर्ने छौं ।

वडाकार्यालय निर्माण कहिलेसम्म सम्पन्न होला ?
हामी अत्यन्तै तिब्र गतिका साथ यो वडाकार्यालय निर्माणम जुटिसकेका छौँ । काम थाली पनि सकेका छौं । यहि क्रमले अघि बढ्ने हो भने महिना दिनदेखि डेढ महिनाभित्र भवन निर्माण सम्पन्न गर्ने लक्ष्य छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

गजलमा अतिवाद गलत र हानिकारक छ -प्रकाश आङ्देम्बे

प्रकाश आङ्देम्बे । नयाँ पुस्ताहरूको ढुकढुकी । आज नेपाली साहित्यलाई धेरै युवापुस्ताहरू प्रेम गर्छन्...

जति नै लेखे पनि ‘परदेश’का विषय र मुद्दाहरु लेख्न बाँकी उती नै रहन्छ -चकेन्द्र राई

धनकुटाको पाख्रिबास नगरपालिकामा २०३४ सालमा जन्मेका आख्यानकार हुन् चकेन्द्र राई । वैदेशिक रोजगारीका निम्ति...

‘बन्दकी समयका छोक्राहरू निचोरेर सिर्जनाकर्ममा लगाउनुपर्ने वाध्यता छ’ -गणेश खड्का

गणेश खड्का नेपाली साहित्यका शसक्त हस्ताक्षर हुन् । २०३३ सालमा भोजपुरको तिवारी भञ्ज्याङमा जन्मेका...

पुस्तक वार्ता: ‘पार्सल’का कथाहरू अरपेहरूका जीवन र जिन्दगीको भोगाई हुन्’

२०३४ सालमा धनकुटाको बोधेमा जन्मिएका कथाकार हुन् जीवन देवान गाउँले । झण्डै दुई दशकदेखि...

‘गीत संगीत मानिसको अभिन्न साथी हो’ -कला राई

गायिका कला राईको नेपाली संगीतमा छुट्टै पहिचान छ । लोकआधुनिक गायनमा चर्चा कमाएकी राईले...

‘लय र भाव गजलरूपी शरीरका दुईटा आँखा हुन्’ -श्रीजन श्री

विगत दुई दशकदेखि नेपाली साहित्यमा समर्पित स्रष्टाको नाम हो ‘श्रीजन श्री’ । नेपाली गजलको...

‘साहित्य सिर्जना र लेखन भनेको पथ प्रर्दशक नै हो’ -नेत्रप्रसाद काफ्ले

नेत्रप्रसाद काफ्ले। धरान उप महानगरपालिका वार्ड नम्बर १३ का वडाअध्यक्ष हुन् । सदा आफुलाई...

कम्युनिष्ट पार्टी शब्दजाल बुन्नमा सिपालु हुन्छ -भीम राई, केन्द्रीय सदस्य, जनता समाजवादी पार्टी

भीम राई जनता समाजवादी पार्टी, नेपालका केन्द्रीय सदस्य हुन् । उनले माध्यमिक तह अध्ययनरत...

विखण्डन भएको समाजलाई एकिकृत गर्नुपर्ने जरुरी ठानेकी छु -भवानी तिवारी

धादिङ जिल्लाको मैदीगाउँमा जन्मिएकी भवानी तिवारी गैरआवासीय नेपाली संस्था (एनआरएनए) अष्ट्रियाको महासचिव छिन् ।...

‘हालिमुहाली चै गरिनँ, पार्टीले दिएको जिम्मेवारी पुरा गरेँ’ -अइन्द्रसुन्दर नेम्बाङ

अइन्द्रसुन्दर नेम्बाङ नेपाल कम्युष्टि पार्टी एमालेका केन्द्रीय सदस्य हुन् । विद्यार्थी राजनीतिबाट अगाडि आएका...