कांग्रेस नेतृ अधिकारी पार्टी प्रवेश गरेकै दिन उपमेयरको उम्मेद्वार
सुनसरी ३, असार ।
संघीय समाजवादी फोरम नेपालले सुनसरीको इनरुवा नगरपालिकाको मयेर र उपमेयर उम्मेद्वार चयन गरेको छ । इनरुवाको मेयर पदका लागि ससफो नेपालको तर्फबाट शिवनारायण मेहता (एसएन मेहता) लाई अघि सारिएको छ ।
उपमेयरका लागि कुमारीमिरा पोखरेल (अधिकारी) लाई उम्मेद्वार बनाइएको छ । शनिबार फोरम नेपाल सुनसरीको बैठकले मेयरमा मेहता र उपमेयर पदका लागि अधिकारीलाई चुनावी मैदानमा अघि बढाउने निर्णय गरेको हो ।
उपमेयरका उम्मेद्वार नेतृ अधिकारी शनिबार मात्रै नेपाली काँग्रेस परित्याग गरि आफ्ना सहकर्मीसहित ससफो नेपालमा प्रवेश गर्नुभएको हो ।
उम्मेद्वार घोषणा कार्यक्रममा फोरम नेपालका केन्द्रीय सचिव परशुराम बस्नेत, केन्द्रीय सदस्यहरु शिवबहादुर बस्नेत, भीम राई, पदम अधिकारी, हरिगोविन्द यादव लगायत नेताहरुको उपस्थिति रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
