सञ्चार मन्त्रालयको सूचनाको हक प्रयोगसम्बन्धी परीक्षण - Naya Online

सञ्चार मन्त्रालयको सूचनाको हक प्रयोगसम्बन्धी परीक्षण

काठमाडौँ, २९ जेठ ।

राष्ट्रिय सूचना आयोगले मुलुकका वरिष्ठ पत्रकारमार्फत कार्यसम्पादनसम्बन्धी १० सूचकाङ्कलाई लेखाजोखा गरी सबै मन्त्रालयको सूचनाको हकको प्रयोगसम्बन्धी परीक्षण गरिरहेको छ ।
प्रमुख पत्रिकाका प्रधानसम्पादक तथा नेपाल पत्रकार महासङ्घका पूर्वसभापतिसमेत गरी १६ वरिष्ठ पत्रकारमार्फत नेपाल सरकारका ३१ वटै मन्त्रालयको आव २०७३/०७४ को सूचनाको हकको प्रयोगसम्बन्धी परीक्षण (आरटिआइ अडिट) भइरहेको हो ।
सूचना तथा सञ्चार मन्त्रालय मातहतका सबै निकायका सूचना अधिकारीका लागि आज मन्त्रालयमा आयोजित अन्तक्र्रियामा सूचनाको हकसम्बन्धी भएगरेका गतिविधिलाई तथ्य र प्रमाणसहित वस्तुनिष्ठ ढङ्गबाट प्रस्तुत गर्न ती अधिकारीहरुलाई अनुरोध गरियो ।
सो अवसरमा आयुक्त यशोदादेवी तिम्सिनाले हरेक निकायका कार्यालय प्रमुख र सूचना अधिकारीले इमान्दारीपूर्वक कर्तव्य पालना गरेमा सूचनाको हकसम्बन्धी व्यवस्था पूर्ण रुपमा कार्यान्वयन हुनाका साथै उत्कृष्ट नतिजा प्राप्त हुने विश्वास व्यक्त गर्नुभयो ।
सञ्चार मन्त्रालयका सचिव महेन्द्रमान गुरुङले आफ्नो मन्त्रालय मातहतका सबै निकायका प्रमुखको उपस्थितिमा पाक्षिक रुपमा मन्त्रालयमा बस्ने उच्च व्यवस्थापन समूहको बैठकमा कम्तीमा दिनको तीन पटक आआफ्नो निकायका वेबसाइट हेर्न निर्देशन दिइसकिएको जानकारी दिँदै आफ्नो मन्त्रालयबाट सूचनाको हक कार्यान्वयन गरिने प्रतिबद्धता व्यक्त गर्नुभयो ।
पत्रकार महासङ्घका पूर्वसभापति शिव गाउँलेले सूचनाको माग र आपूर्तिसँग लोकतन्त्रको गहिराइ नापिने उल्लेख गर्दै सूचनाको हकको प्रयोगसम्बन्धी परीक्षणका क्रममा सञ्चार मन्त्रालय र मातहतका निकायको कार्यसम्पादन प्रक्रिया र उपलब्धिलाई सूक्ष्म रुपमा लेखाजोखा गरेर प्रतिवेदन तयार गरी आयोगमा पेस गरिने बताउनुभयो ।
सूचना आयोगले पहिलो पटक नेपाल सरकारका पूर्वसचिवहरुमार्फत गत आव २०७२/०७३ कोे यस किसिमको परीक्षण गराएको थियो । कार्यसम्पादन प्रक्रियामा व्यावसायिकता, जवाफदेहिता, पारदर्शितालगायत सूचकाङ्कलाई समेटेर कुल १०० अङ्कभार दिएको सो परीक्षणमा गत वर्ष शिक्षा, शान्ति तथा पुनःनिर्माण र वन तथा भूसंरक्षण मन्त्रालयले पूर्णाङ्क प्राप्त गरी उत्कृष्ट स्थान प्राप्त गरेका थिए । त्यसैगरीे जम्मा ५० अङ्क मात्र प्राप्त गरी सूचनाको हकसम्बन्धी परीक्षणमा सहरी विकास मन्त्रालय सबैभन्दा कमजोर देखिएको सूचना आयोगले जनाएको छ । रासस

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

पाँचथरको कुम्मायक गाउँपालिका–१ मा गठबन्धनका पदमा देवेन्द्र कुमार लावती विजयी

कुम्मायक । पाँचथरको कुम्मायक गाउँपालिकाको–१ नम्बर वडामा गठबन्धनतर्फका देवेन्द्र कुमार लावती बहुमतले विजयी बनेका...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

अवसरवादी र अहंकारवादी तत्वलाई मतदान नगर्न लावतीको आग्रह

-पदम सुखी सम्बाहाम्फे पाँचथर । कुम्मायक गाउँपालिका वडा नम्बर १ स्थित साविक वडा नम्बर...

वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया

धरान । बराहक्षेत्र नगरपालिका वडा नम्बर– ३ बाट नेकपा(एमाले)का तर्फबाट वडाअध्यक्षका उम्मेदवार रुद्र दाहालले...

गठबन्धनका उम्मेदवारलाई जिताउन जनआकांक्षाको लहर बढ्दो

-पदम सुखी सम्बाहाम्फे पाँचथर । कुम्मायक गाउपालिकाको ५ वटै वडामा ४ दलीय गठबन्धनको चुनावी...

कुम्मायक गाउँपालिकामा गठबन्धनका उम्मेदवारले स्वतः चुनाव जित्ने दाबी

-पदम सुखी सम्बाहाम्फे पाँचथर, १४ वैशाख । चुनावी मनोनयन दर्ता भएपछि कुम्मायक गाउँपालिकामा पनि...

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा...

दुर्घटनमा मृतक तथा घाइतेको सनाखत

धरान, २ वैशाख । भेडेटार दुर्घटनामा परेका मृतक तथा घाइतेको सनाखत भएको छ ।...