दमक, २४ जेठ ।
नारी संघर्ष र सामाजिक परिवेशको चित्रण गर्ने चलचित्र ‘तारेभीर’ असार को । चलचित्र असार २ गतेबाट देशभरका हलहरुमा एक साथ प्रदर्शनमा आउने पक्का भएको छ ।
यसअघि जेठ १९ को रिलिज डेट पाएको ‘तारेभीर’ ले आफ्नो पछिल्लो रिलिज डेट असार २ गते भएको जानकारी दिएको छ । प्रदर्शन मिति नजिकिँदै जाँदा फिल्मको प्रोमोशनलाई तीव्रता दिइएको तारेभीरका निर्माता डी.के. देवानले जानकारी दिनुभएको छ । केही स्थानमा यसअघि नै च्यारेटी शो गरिसकेको तारेभीरले मोफसलका दर्शकहरुबाट राम्रो रेस्पोन्स पाएको निर्माण पक्षले दावी गरेको छ ।
चलचित्रको ट्रेलरले पनि धेरैलाई प्रभावित पारेको भन्दै निर्माण पक्षले हलसम्म तारेभीर हेन आउने दर्शकले निरास भएर फर्कनु नपर्ने दावी गरेको छ ।
आफ्नो परिवार, समाज र देशका लागि केही गर्छु भन्ने उद्देश्यबाट प्रेरित युवतीले प्रहरीमा भर्ती भएर समाजमा विद्यमान अपराध, विसंगति र विकृतिविरुद्ध गरेको संघर्षलाई चलचित्रको मुख्य सन्देश मानिएको छ ।
नेक्स्ट जेनेरेसन इन्टरटेनमेन्ट कम्पनीको प्रस्तुति रहेको चलचित्रमा कलाकारहरु बिष्णु चेम्जोङ, नबिन कार्की, रेखा फागो, प्रेम सुब्बा, देउकृष्ण दिवान, रमेश सिंह, दिपेश श्रेष्ठ, अजय कुमार माझी, मन्जु श्रेष्ठ, रंजित राना, निर्मल शर्मा आदि रहेका छन् ।
चलचित्रमा प्रेम सुब्बा र कृष्ण आचार्यको कथा, युवराज राईको नृत्य, जनक गुरुङको द्वन्द्व, राम प्रसाद चौधरीको सम्पादन र प्रकाश गुरुङ, सनुप पौडेल र ब्राबिम सेर्माको संयुक्त संगीत रहेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
