सभापति देउवाबाट प्रधानमन्त्रीको उम्मेदवारी प्रस्तुत - Naya Online

सभापति देउवाबाट प्रधानमन्त्रीको उम्मेदवारी प्रस्तुत

काठमाडौँ, २३ जेठ । व्यवस्थापिका–संसद्को आजको दोस्रो बैठकमा नयाँ प्रधानमन्त्री चयनको निर्वाचनको प्रक्रिया सुरु भएको छ ।

बैठकमा प्रधानमन्त्री पदका लागि उम्मेदवारीको सूचना दिने नेपाली काँग्रेसका सभापति शेरबहादुर देउवाले नेकपा (माओवादी केन्द्र)सँगको समझदारीअनुसार प्रधानमन्त्री पुष्पकमल दाहाल ‘प्रचण्ड’ले राजीनामा दिएपछि आफूले उम्मेदवारी दिएको बताउनुभयो ।

उहाँले तोकिएको समयमा दोस्रो चरणको स्थानीय तहको निर्वाचन र अन्य तहका निर्वाचन सम्पन्न गर्ने प्रतिबद्धता व्यक्त गर्दै निर्वाचन आचारसंहितालाई प्रतिकूल असर नपार्ने गरी पुरानै नीति कार्यक्रम र बजेटलाई निरन्तरता दिइने धारणा व्यक्त गर्नुभयो ।

सभापति देउवाले निर्वाचनमा सबै पक्षलाई समावेश गर्ने वातावरण मिलाउने र मधेसकेन्द्रित दलको मागबमोजिम ल्याइएको संविधान संशोधन विधेयक पारित गर्न प्रमुख प्रतिपक्षी दल नेकपा (एमाले)को पनि साथ रहने विश्वास व्यक्त गर्नुभयो ।

उहाँले भन्नुभयो, “अहिलेको आवश्यकता संविधानको सर्वस्वीकार्यता हो, त्यसका लागि संविधान संशोधन विधेयक पारित हुनेछ भन्ने म विश्वास दिलाउनु चाहन्छु ।”

सभापति देउवाले स्थानीय तहको निर्वाचनले ग्राँसरुट डेमेक्र्यासीलाई बल पुग्ने भएकाले जनताको प्रत्यक्ष संलग्नतामा अब विकेन्द्रीकरणलाई स्थापित गर्न र आर्थिक विकासमा लाग्न आवश्यक छ भन्दै विदेशी लगानीकर्तालाई आकर्षित गरेर उद्योगधन्दाको विकास गरी आर्थिक वृद्धिको अवस्थालाई निरन्तरता दिन, कृषि उत्पादनलाई बजारसम्म लाने वातावरण निर्माण, समावेशी प्रणाली र सङ्घीयतालाई स्थापित गर्न तथा विभेदमुक्त मूलक निर्माणका लागि राष्ट्रिय सहमतिका साथ आफ्नो नेतृत्वमा बन्ने सरकारले काम गर्ने प्रतिबद्धता व्यक्त गर्नुभयो ।

उहाँले भन्नुभयो, “नेपाली सुन्दर देश छ, यो समृद्धिको बाटोमा अघि बढ्छ, यहाँ केही अभाव छैन ।”

समझदारीबमोजिम प्रधानमन्त्री प्रचण्डले राजनेतामा हुनुपर्ने गुण देखाउँदै राजीनामा दिएकोमा धन्यवाद दिँदै सभापति देउवाले भोलिका दिनमा पनि मिलेर काम गर्ने बताउनुभयो ।

उहाँले नेपालको राष्ट्रिय स्वार्थलाई ध्यानमा राखेर परराष्ट्र नीति बन्नुपर्ने बताउँदै छिमेकी भारत र चीनसँग सुमधुर सम्बन्ध राख्नु पनि नेपालीको हितको विषय भएको उल्लेख गर्नुभयो ।

‘भारत र चीनको विरुद्ध नेपाली भूमि कहिले पनि प्रयोग हुन नदिनेमा हामीले आश्वस्त पार्ने गरी काम गर्नुपर्छ सभापति देउवाले भन्नुभयो ।’ रासस

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

समाजवादी मोर्चाको बैठक सोमबार बिहान

काठमाडौं, ४ भदौ । समाजवादी मोर्चाको बैठक सोमबार बिहान बस्दैछ । मोर्चामा चार दल...

प्रवीण पुमाको सुम्निमा नाटकमा मिथक

आनन्दबहादुर राई १ परिचय नाट्यकर्मी प्रवीण पुमाको सुम्निमा नाटक सर्वप्रथम विं सं. २०५० मा...

पहिचानले के दिन्छ ?

विजय लुम्फुङवा लिम्बु एकपल्ट नेपालका पुर्व प्रधानमन्त्री तथा नेकपा एमालेका अध्यक्ष केपी ओलीले पहिचान...

बिरामी भएको नक्कली सिफारिस बनाउनेलाई के कारवाही हुन्छ ?

गंगा खापुङ लिम्बू अहिले नेपालमा आर्थिक मन्दीका कारण व्यापार व्यवसाय ठप्प भएको छ ।...

बारा २ मा उपेन्द्र यादवको जीत सुनिश्चित –माधवकुमार नेपाल

विराटनगर, २३ चैत । पूर्व प्रधानमन्त्री तथा नेकपा (एकीकृत समाजवादी)का अध्यक्ष माधवकुमार नेपालले बारा...

उपनिर्वाचनको लागि आयोगले तोक्यो खर्चको हदम्याद

विराटनगर, २२ चैत । निर्वाचन आयोगले आगामी वैशाख १० गते आइतबार हुने प्रतिनिधिसभा सदस्यको...

रचनाले न्याय पाएपछि…..

देवेन्द्र सुर्केली जब नेपाली चलचित्र जारीको टिजर सार्वजनिक भयो, तब बेलबारी मोरङ निवासी गोविन्द...

जसपा अध्यक्ष उपेन्द्र यादवले गरे मनोनयन दर्ता

बारा, २० चैत । बारा क्षेत्र नम्बर–२ मा आगामी वैशाख १० हुने उपनिर्वाचनका लागि...

राजेन्द्र महतोले उपेन्द्र यादवलाई समर्थन गर्ने

बारा, १९ चैत । १० वैशाखमा हुने उपनिर्वाचनमा बारा– २ मा राजेन्द्र महतोले जनता...

“संघ र प्रदेशमा फरक दलसँग गठबन्धन गर्ने अधिकार हुन्छ” –मन्त्री राई

विराटनगर १९ चैत्र । जनता समाजवादी पार्टी नेपालका संघीय परिषद् अध्यक्ष तथा नेपाल सरकारकको...