मोरङ, २२ जेठ ।
संघीय समाजवादी फोरम नेपालले मधेस आन्दोलनमा सहादत दिने सहिद महादेव ऋषिदेवकी श्रीमतीलाई स्थानीय तह निर्वाचनमा उम्मेद्वार बनाउको छ ।
मधेसमा जारी आन्दोलनका क्रममा मोरङको रङ्गेलीमा २०७२ माघ ७ गते प्रहरीको गोली लागेर मृत्यु भएका ऋषिदेवकी श्रीमती सीतादेवी ऋषिदेवलाई सुनवर्षी नगरपालिका वडा नम्बर ७ को महिला दलित सदस्य पदमा उम्मेद्वारी दिइएको ससफो नेपाल मारङले जनाएको हो ।
तत्कालीन मधेसी मोर्चाको विरोधका बावजुद एमाले महासचिव ईश्वर पोखरेले रङ्गेलीमा सभा गर्न खोजेपछि भएको तनावमा प्रहरीले गोली चलाउँदा ऋषिदेवसहित अन्य तीन जनाको मृत्यु भएको थियो ।
संघीय समाजवादी फोरम नेपालले सहिद परिवारलाई सम्मान स्वरूप प्राथमिकता दिने नीति अनुसार ऋषिदेवलाई उम्मेद्वार चयन गरिएको ससफो मोरङका नेता प्रकाश यादवले बताउनुभएको छ । यसअघि, ससफो नेपाल सिरहाले मधेस आन्दोलनका प्रथम शहीद रमेश महतोकी आमालाई गाउँपालिकाको उम्मेद्वार बनाउने निर्णय गरिसकेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
