काठमाडौँ, १८ जेठ ।
कानुन, न्याय तथा संसदीय मामिलामन्त्री अजयशङ्कर नायकले भरतपुर महानगरपालिकाको मतपत्र च्यातिएका विषयलाई लिएर नेकपा(एमाले)ले संसद् अवरुद्ध गर्नु गलत भएको बताउनुभएको छ ।
रिपोर्टर्स क्लबले आज आयोजना गरेको साक्षात्कारमा उहाँले भरतपुर महानगरपालिकामा मतपत्र च्यातिएका विषयलाई लिएर एमालेले संसद् अवरुद्ध गर्न नहुने विचार व्यक्त गर्नुभयो ।
मन्त्री नायकले भन्नुभयो, “भरतपुर महानगरपालिकाको विषयलाई एमालेले रेणु दाहाललाई परास्त गर्नसके माओवादी केन्द्रका अध्यक्ष पुष्पकमल दाहाल ‘प्रचण्ड’लाई नै परास्त गरिएको भन्ने भ्रम फैलाउन यस्तो गरिरहेको छ, प्रचण्डको राजनीति धमिलो हुन्छ भन्ने एमालेका साथीहरुले सोचेर नै भरतपुरमा उत्तेजित वातावरण बनाउनुभएको हो ।”
उहाँले प्रधानमन्त्री दाहालका लागि आफू हार्नु वा पार्टीका नेता हार्नुले त्यति महत्व नराख्ने उल्लेख गर्दै एमालेको अवरोधका कारण अवरुद्ध भए पनि बहुमतीय प्रक्रियामा नेपाली काँग्रेसका सभापति शेरबहादुर देउवाले प्रधानमन्त्रीका लागि उम्मेदवारी दिने बताउनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
