क्वालालम्पुर । नेपाली प्रवासी सितोरियो कराते संघका वरिष्ठ उपाध्यक्ष तथा अन्तर्राष्ट्रिय स्वर्ण पदक विजेता कर्ण बहादुर राईलाई २९ मे आइतबारको दिन सम्मान गरिएको छ ।
राईलाई राजदुत डा. निरान्जन मान सिंह बस्न्यातबाट दोसल्ला ओढाइ सम्मान गरिएको हो । मलेसियामा श्रमिक काम गरेर पनि कर्ण बहादुर राईले देशलाई तीन पटकसम्म अन्तर्राष्ट्रिय करातेबाट स्वर्ण पदक जितेर देशको नाम नै उच्च राखेको भन्दै राजदुतले राईलाई हार्दिक बधाई दिनुभएको थियो साथै नेपाली प्रवासी सितोरियो कराते संघले मलेसियामा उदाहरणीय काम गरेको भन्दै संघका अध्यक्ष योगेन्द्र कोइरालालाई पनि धन्यवाद दिनुभएको थियो।
राई तीन वर्ष कार्यकाल सकेर नेपाल फर्कने कुरा आफ्नो कम्पनीलाई जानकारी दिदाखेरी कम्पनीले नै राईलगाएत चार जना साथिहरुलाइ पनि करिब डेढ महिनाको स्यालरी नदिएको र नेपाल फर्कने टिकट पनि नदिएको हुनाले श्रम सहचारी बाबुलाल रेग्मीको विशेष सहयोगमा सबै कम्पनीले टिकट र स्यालरी दिएकोमा कर्न बहादुर राईले नेपाली दुतावासलाई धन्यवाद दिनु भएको थियो।
कार्यक्रममा दित्तिय सचीव बिनोद मुखिया, दित्तिय सचीव लक्ष्मण प्रसाद कोइराला, तेस्रो सचिव दयानन्द प्रसाद ओझा साथै चुमन सिंह के सि., निरज बस्नेत, प्रबिन प्रधान, सुन्दर कुमार श्रेष्ठ, टेक बहादुर बुढा, करातेका महासचिव नर्बु तामाङ, राम तामाङ र तुलाराम धामीको पनि सहभागीता थियो।
कार्यक्रम सन्चालन दित्तिय सचिव प्रेमराज गौतमले गर्नुभएको थियो । खेलाडीलाई पहिलो पल्ट नेपाली राजदुतावासबाट सम्मानित गरिएकोमा नेपाली प्रवासी सितोरियो कराते परिवार हार्दिक धन्यवाद व्यक्त गर्नु भयो । सोही दिन गणतन्त्र दिबस परेको अबसरमा दुबासद्वारा दिप प्रज्वलन गरि दिबस मनाएका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
