झापा, १६ जेठ २०७४ । प्रदेश नं १ झापा मेचीनगरमा संघीय समाजवादी फोरम नेपालले आफ्नो उम्मेद्वारको सार्वजनिक गरेको छ ।
नगरपालिकाको मेयर पदका लागि इन्द्रबहादुर श्रेष्ठ तथा उपमेयरका लागि अग्नीमाया मेचेलाई घोषणा गरेको हो । आदिवासी, जनजाती, खस, मधेसी, मुस्लिम लगायतका उत्पीडित जाती, समूदायहरुको झापा चौतारीको रुपमा संघीय समाजवादी फोरम रहेको भन्दै एक कार्यक्रमका विच उम्मेद्वारहरुको घोषणा गरिएको हो ।
फोरमले गरेको घोषणमा वडाध्यक्ष पदको समेत सर्वजनिक गरेको हो । जसमा वडा नं ५ का लागि अध्यक्ष तिलकचन सम्वाहाम्फे, सदस्यहरु कोपिला लावती, सुवास सेलिङ, नरेश विक छन् । वडा नं ६ का लागि अध्यक्ष दिनेश चाम्लिङ, सदस्यहरु हिमबहादुर राई, मंगलीमाया कामी छन् । ७ का अध्यक्ष उमेश थापा र सदस्य अर्पण लिम्बू छन् । ८ का अध्यक्ष पवनलाल मेचे, सदस्यहरु उमा योक्पाङ्देन, रामकुमार राउत र ऋतु राजवंशी छन् । त्यसैगरी ९ का अध्यक्ष अमर लिम्बू, सदस्यहरु शान्ता श्रेष्ठ, कहरु किसान, सन्त साँवा छन् भने वडा नं १३ का अध्यक्ष पुष्प वोखिम, सदस्यहरु कुमार रानामगर, बमबहादुर लिम्बू, देवीमाया भुषाल र सोनुहाङ राई छन् ।
अन्य उम्मेद्वारको टुङ्गो लाग्नेसाथ घोषण गर्ने बताईएको छ । यद्यपि माओवादी, काँग्रेसलगायतका पार्टीहरुसँग तालमेलको लागि वार्तासमेत भइरहेको संघीय समाजवादी मेचीनगर अध्यक्ष ओमप्रकाश खापुङले नयाँ अनलाईनलाई जानकारी गराएका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
