अन्तर्राष्ट्रियस्तरको क्रिकेट मैदान निर्माण कार्य प्राथमिकतामा - Naya Online

अन्तर्राष्ट्रियस्तरको क्रिकेट मैदान निर्माण कार्य प्राथमिकतामा

काठमाडौँ, १५ जेठ ।

सरकारले आव २०७४/७५ मा युवा तथा खेलकुद क्षेत्रको विकासका लागि रु दुई अर्ब २४ करोड बजेट विनियोजन गरेको छ ।
उपप्रधान एवम् अर्थमन्त्री कृष्णबहादुर महराले आज व्यवस्थापिका–संसद्मा आर्थिक वर्ष २०७४÷७५ का लागि गरिएको बजेट भाषणमा काठमाडौँको मूलपानीमा रहेको अन्तर्राष्ट्रियस्तरको क्रिकेट मैदानको निर्माण कार्यलाई प्राथमिकताका साथ अघि बढाउने उल्लेख गरिएको छ ।
देशका विभिन्न आठ स्थानमा निर्माणाधीन क्रिकेट मैदानलाई निरन्तरता दिइने उल्लेख गर्दै अर्थमन्त्री महराले भन्नुभयो – “लोकप्रिय खेल फुटबल र क्रिकेटलाई पहिलो चरणमा व्यावसायिक प्रतिष्ठानबाट प्रायोजन गरी राष्ट्रिय तथा अन्तर्राष्ट्रिय प्रतियोगितामा सहभागिता हुन प्रेरित गरिनेछ ।”
राष्ट्रिय खेलकुद परिषद् (राखेप)अन्तर्गत खेलको पूर्वाधार निर्माण र युवा परिषद्अन्तर्गतका केही कार्यक्रम स्थानीय तहमा पठाइएको छ, उहाँले भन्नुभयो– ‘खेलकुद विकास कार्यक्रमअन्तर्गत स्थानीय तहमा सञ्चालन हुने खेलकुद प्रतियोगिता स्थानीय तहमा नै हस्तान्तरण गरिएको छ ।’
अर्थमन्त्री महराले युवालाई उद्यमशील बनाउन स्थानीय तहमा उत्पादन रोजगारी, आयआर्जनका अवसर सिर्जना गरी सबै निर्वाचन क्षेत्रमा यसलाई नमुनाका रुपमा सञ्चालन गरिने व्यवस्था गरिएको बताउँदै विभिन्न खोज अनुसन्धान तथा अवीस्कार गरेर समाजमा उत्कृष्ट योगदान पु¥याउने युवा प्रतिभालाई सम्मान गरिने कार्यलाई निरन्तरता दिइने जानकारी गराउनुभयो ।
युथ भिजन २०२५ मा युवा विकासका लागि उल्लेख भएका पाँच स्तम्भ गुणस्तरीय र व्यावसायिक शिक्षा, रोजगारी, सीप विकास, युवा स्वास्थ्य र सामाजिक सुरक्षा परिचालन तथा सहभागिता नेतृत्व विकासका साथै खेलकुद र मनोरञ्जन क्षेत्रसँग सम्बन्धित कार्यक्रम कार्यान्वयनमा ल्याइनेछ उहाँले भन्नुभयो ।
युवालाई सामाजिक सेवा र आर्थिक क्रियाकलापमा लगाउन स्वयम्सेवक सेवामा परिचालन गर्ने कार्यलाई निरन्तरता दिई सेवा क्षेत्रलाई थप विस्तार गरिने अर्थमन्त्री महराले प्रस्तुत गरिएको बजेट वक्तव्यमा उल्लेख छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

चौथो ललितपुर जिल्लाव्यापी तेक्वान्दो पुम्से प्रतियोगिता सम्पन्न

ललितपुर । चौथो ललितपुर जिल्लाव्यापी तेक्वान्दो पुम्से प्रतियोगिता सम्पन्न भएको छ । राष्ट्रिय तेक्वान्दो...

महिला फुटबल क्याप्टेन तुम्बापोको घर निर्माणको लागि हङकङमा लाखौं संकलन

काठमाडौं । महिला राष्ट्रिय फुटबल टिमकी कप्तान तथा गोलरक्षक अञ्जिला तुम्बापो सुब्बाको जीवनीमा आधारित...

संचारकर्मी सन्देश सुब्बा पुरस्कृत

पाँचथर । संचारकर्मी सन्देश सुब्बा स्वर्गीय प्रजापति–जालपादेवी नेपाल खेलकुद पत्रकारिता पुरस्कारबाट पुरस्कृत भएका छन्।...

थाइल्याण्डमा पारा टेबल टेनिसका खेलाडी केशव थापा र प्रशिक्षक बसन्त भारती

काठमाडौँ । पारालिम्पीक वल्र्ड क्यालिफीकेशन टुर्नामेन्टको २०२४ का लागि नेपालको तर्फबाट पारा टेबल टेनिस...

कियाचु युकेको आयोजनामा १५औं यलम्बरहाङ कप

सुरेन्द्र इङ्नाम युके । बेलायतको याल्डिङ्मा किरात याक्थुङ् चुम्लुङ् यूकेको आयोजनामा १५ औ यलम्बरहाङ्...

लिम्बु समुदायले ‘मुक्तिको छेलोढुङ्गा’ हान्नुपर्छ

इलाम – फाक्फोक थुम गाउँपालिकास्थित फुङएतेप्पामा प:त्लुङ लेप्मा (छेलोढुङ्गा हान्ने) प्रतियोगिता सम्पन्न भएको छ...

फाल्गुजयन्तीमा प्रथम अठासी गोल्डकप फुटबल प्रतियोगिता हुने

दमक, ७ कात्तिक । १३८औँ फाल्गुनन्द जयन्तीको अवसरमा इलामको माङसेबुङमा प्रथम अठासी गोल्डकप फुटबल...

एक दिवसीय नेतृत्व विकास प्रशिक्षण कार्यक्रम सम्पन्न

काठमाडौं, २५ पुस । च्यालेन्ज फर चेन्ज एवं फेमिली पिस एशोसियसनद्वारा आयोजित नेतृत्व क्षमता...

सङ्खुवासभाको चैनपुरमा स्थानीय खेलाडीहरू सम्मानित

-सन्देश इङघङ सङ्खुवासभा, १९ पुस । सङ्खुवासभाको चैनपुरमा स्थानीय खेलाडीहरूलाई सम्मान गरिएको छ ।...

नेपाली राष्ट्रिय क्रिकेट टिमको प्रमुख प्रशिक्षक पदका लागि ६० जनाको आवेदन

काठमाडौं, १५ कात्तिक । नेपाली राष्ट्रिय क्रिकेट टिमको प्रमुख प्रशिक्षक पदका लागि ६० जनाले...