जनजाति महासंघ इजरायलले महावीरको आविष्कार केन्द्रलाई ५ लाख ५० हजार ५ सय ५५ रुपैयाँ सहयोग - Naya Online

जनजाति महासंघ इजरायलले महावीरको आविष्कार केन्द्रलाई ५ लाख ५० हजार ५ सय ५५ रुपैयाँ सहयोग

आफूले पाएको पदक बेचेर देश र गरिब जनताको सेवा गर्न लागेको महावीरको भनाई
ललितपुर, १४ जेठ । नेपाल आदिवासी जनजाति महासंघ, इजरायलले म्यागासेसे पुरस्कार प्राप्त महावीर पुनको राष्ट्रिय आविष्कार केन्द्रलाई ५ लाख ५० हजार ५ सय ५५ रुपैयाँ सहयोग गरेको छ ।
आविष्कार केन्द्रलाई रकम जुटाउन म्यागासेसे पुरस्कारलगायत पदक नै बिक्रीमा राखेका पुनलाई नेपाल आदिवासी जनजाति महासंघ (नेफिन)को केन्द्रीय कार्यालय ललितपुर कुसुन्तीमा सो रकम आइतबार हस्तान्तरण गरिएको हो ।
सहयोग हस्तान्तरण समारोहमा अध्यक्ष जगतबहादुर बराम र नेफिन इजरायलका उपाध्यक्ष लक्ष्मी योञ्जन तामाङलगायत पदाधिकारीहरूले पुनलाई संयुक्त रुपमा सहयोग रकम हस्तान्तरण गरेका हुन् ।
सहयोगका लागि धन्यवाद दिँदै आफूहरूले हुने खाने वर्गबाट भन्दा दुःख गरेर विदेशमा रहेकाहरू र श्रमजीवि निम्न वर्गबाट सहयोग बढी जुटेको कार्यक्रममा पुनले बताए, ‘बैंक, बित्तिय संस्था, उद्योगपति, ब्यापारीबाट अहिलेसम्म कुनै सहयोग आएको छैन ।’
‘पदक बेच्न थाल्यो भनेर दुःख नमान्नुहोस्,’ पुनले थप भने, ‘देशका लागि राम्रो काम गर्न सदुपयोग मात्रै गर्न खोजिएको हो ।’
आविष्कार केन्द्रको उद्धेश्य, योजना र महत्व सरकारले अहिले ग्रहण नगरे पनि १०/१५ वर्ष पछि सरकार आफैले यो काम गर्ने विश्वास समेत पुनले व्यक्त गरे ।
महासंघका अध्यक्ष बरामले नेफिन इजरायललाई पवित्र कार्यका लागि धन्यवाद दिदैँ आविष्कार केन्द्रको योजना सफलताको शुभकामना दिएका थिए । त्यसैगरी, कार्यक्रममा राष्ट्रिय आदिवासी जनजाति महिला महासंघका अध्यक्ष चिनीमाया माझीले सहयोग जुटाउने नेफिन इजरायललाई धन्यवाद दिइन् ।
इजरायल गत मे १३ मा २५६१औँ बुद्ध जयन्ति कार्यक्रममा उठेको रकम आविष्कार केन्द्रलाई हस्तारण गरिएको नेफिन इजरायलका उपाध्यक्ष लक्ष्मी तामाङले बताइन्, ‘इजरायलमा पसिना बगाइरहेका आदिवासी जनजातिहरूले आविष्कार केन्द्रको योजनालाई केही इँटा थप्न मात्रै खोजिएको हो ।’
कार्यक्रममा नेफिनका उपाध्यक्षहरू कृष्णकुमारी शेरचन, गोबिन्द छन्त्याल, लोकबहादुर दुरा, पूर्व महासचिव आङकाजी शेर्पा, सचिवहरू सुकविर थामी र सोनाम याङ्की मुगाली उपस्थित थिए । त्यसैगरी, आदिवासी जनजाति युवा महासंघका अध्यक्ष र महासचिव जिएस गुरुङ र हेमन्त राई, फोनिजका अध्यक्ष डण्ड गुरुङ, जनजाति महिला महासंघका सचिव नानु थामी, नेफिन इजरायलका पूर्व पदाधिकारी तथा सल्लाहकारहरू भुपेन्द्र गुरुङ, चन्द्रमाया बम्जन तामाङ, फूर्वा ह्योल्मो, छोइसाङ ह्योल्मोलगायत उपस्थित थिए ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

ब्रोइलर कुखुराको रोग मानिसमा पनि लाग्दैनः भेटेरिनरी एशोसिएशन

काठमाडौं । बजारमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा...

छुट्टाछुट्टै सवारी दुर्घटनामा ६ जनाको मृत्यु

काठमाडौं, १२ वैशाख । सुर्खेत, भेरीगंगा नगरपलिका–५ रत्न राजमार्ग सडकमा नेपालगञ्जबाट सुर्खेततर्फ आउँदै गरेको...

हामीले पनि आफ्नो तर्फबाट गर्न सक्ने सेवामा योगदान गरौँः मन्त्री चौधरी

काठमाडौँ, १२ वैशाख । महिला, बालबालिका तथा ज्येष्ठ नागरिक मन्त्री भगबती चौधरीले मानव सेवा...

त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी

काठमाडौं । त्रिभुवन अन्तर्राष्ट्रिय विमानस्थलमा इडुरोम सञ्चालन गर्न समझदारी भएको छ । नागरिक उड्डयन...

काठमाडौँबाट धनकुटा आएको हायस मुलघाटमा दुर्घट्ना

धनकुटा । काठमाडौबाट धनकुटा आएको माइक्रो हायस धनकुटा ९, मुलघाटमा अनियन्त्रित भई ५० फिट...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

नयाँ वर्षको दिन नुवाकोटमा माङ्चेभुमे जात्रा

नुवाकोट । नुवाकोट जिल्ला शिवपुरी गाउपालिका १ मा नयाँ वर्षको उपलक्ष्यमा सदाको वर्षझैँ भगवान...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

सहिद बान्तावाको स्मृति र अर्को संयोग ‘उपनिर्वाचन’

सजन राई माङसेबुङ, २८ चैत । निरंकुश पञ्चायतले ४५ वर्षअघि २७ वर्षीय लक्का जवान...