दमक, १३ जेठ ।
झापाको दमकमा शनिबार मतदाता शिक्षा बारे काठमाडौंस्थित नाट्य संस्था आरोहण गुरुकुलले मतदाता शिक्षाका लागि नाटक प्रस्तुत गरेको छ ।
गुरुकुलले मतदाता शिक्षाका लागि यसअघि नै बारा, पर्सा, सर्लाही, मकवानपुर, सिरहा, सप्तरी, सुनसरी, मोरङका विभिन्न ९९ स्थानमा मतदाता शिक्षा बारेको नाटक प्रस्तुत गरेको गुरुकुलका दिपेश भण्डारीले जानकारी दिनुभयो ।
निर्वाचन, मतदाता शिक्षा, मतदाता परिचयपत्र, मतदान, मतपत्र पट्याउने तरिका बारे सिकाउन झापाको दमकमा अन्तिम र १००औं शो नाटक प्रदर्शन गरिएको भण्डारीको भनाइ छ ।
रङ्गमञ्चमा स्थापित स्थापित कलाकार प्रदीपकुमार चौधरी, विकास पराजुली, अशोक गौतम, अस्विना कर्ण, भरत कार्की, राजेश ठाकुर, गीता कोइराला लगायतले नाटकमा अभिनय गर्नुभएको छ । त्यस्तै नाटकमा अंकिता विश्वास, रबिन चिमरिया र मोहन खड्काले अभियनय गर्नुभएको छ ।
जेठ ३१ गते गाउँका मुखिया बमबहादुर कार्कीको छोरोको बिहे गर्नलाई मुखिया र मुखिनीले सबै जोरजाम गरेर जन खोज्दा कतै नपाएको र बेहुलीतर्फबाट पनि जेठ ३१ गते दुलहीले निर्वाचनमा भोट हाल्न पाइनँ भने बिहे नगर्ने बरु आत्महत्या गर्ने धम्की दिएपछि जेठ ३१ गतेको बिहेलाई असार २ गते गर्ने निधोसहित नाटकमा मतदाता शिक्षा बोर जानकारी दिइएको हो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
