रौतहटमा हजारौं कार्यकर्ता ससफोमा प्रवेश
रौतहट १३, जेठ ।
स्थानीय तहको दोस्रो चरणको चुनाव नजिकै गर्दा संघीय समाजवादी फोरम, नेपालमा प्रवेश गर्नेको लहर तीव्र बनेको छ । पार्टी अध्यक्ष उपेन्द्र यादवले शनिबार एकै दिन हजारौ नेता कार्यकर्तालाई पार्टीमा प्रवेश गराउनुभएको छ ।
ससफो नेपाल रौतहटले जिल्लामा आयोजना गरेको पार्टी प्रवेश कार्यक्रममा अध्यक्ष यादवले राजपाका केन्द्रीय सदस्य धिरेन्द्र यादवसहित सयौं सक्रिय कार्यकर्ता लाई प्रवेश गराउनभएको हो ।
एमाले पूर्व गाविस अध्यक्ष एवं चर्चित नेता रामप्रसाद यादव लगायत सयौं नेता कार्यकर्ता प्रवेश गरेका छन् । हिजो शुक्रबार मात्रै रुपन्देहीमा चर्चित नेता सहित ठूलो संख्यामा कार्यकर्ताहरु ससफो नेपालमा प्रवेश गराउनुभएको हो ।
नवप्रवेशी राजपा केन्द्रीय सदस्य यादवले अहिलेको आन्दोलनले मधेशमा प्राप्त उपलब्धि पनि गुम्ने र चुनाव जस्तो जनताको सर्वभौम अधिकारलाई कुण्ठित गर्ने हुनाले चुनावलाई उपयोग गरी मधेस र उत्पीड़ित जनताको अधिकार दिलाउन लाग्नु पर्ने बताउनुभयो ।
एमाले परित्याग गरी प्रवेश गरेका गाविस अध्यक्ष यादवले एमाले मधेस विरोधी भएको र नश्लीय चरित्र बोकेकाले एमालेले राष्ट्रिय एकता कायम राख्न नसक्ने जिकिर गर्नुभयो ।
उक्त कार्यक्रममा फोरम नेपालका केन्द्रीय सदस्य रेवन्त झा, योगेन्द्र राय यादव लगायत नेताहरुको उपस्थिति थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
