विश्व वातावरण दिवसको अवसर पारेर साहित्यिक सम्मेलनको तयारी - Naya Online

विश्व वातावरण दिवसको अवसर पारेर साहित्यिक सम्मेलनको तयारी

जानुका राई/लन्डन ।

विश्व वातावरण दिवसको अवसर पारेर बेलायतस्थित नेपाली साहित्यकारहरूले वातावरणको विषयलाई केन्द्रबिन्दु बनाएर साहित्य सम्मेलन गर्ने भएको छ ।

“मानिसलाई प्रकृतिसँग नजिक्याउनु” Connecting people to Nature मूल नाराकासाथ यस वर्षको विश्व वातावरण दिवस भब्य रुपमा मनाउन लागेको हो । यस सम्मेलनको अवसरमा ११ वटा साहित्यिक सङ्घसंस्थाहरु आवद्ध हुदैछन् ।

विज्ञानमा होस् या साहित्यमा प्रकृति र वातावरणको संरक्षणात्मक र चेतनामूलक प्रयोगको आवश्यकता अनिवार्यतालाई लक्षित गरेर बेलायतस्थित सबै साहित्यिक संस्थाहरुको संयुक्त आयोजनामा सम्मेलन गर्न लागिएको संयोजक विजय हितानले बताए ।

सम्मेलन आगामी जून ४ तारिखमा लण्डनको चार्ल्टनमा सम्पन्न हुदैछ । सम्मेलनको सम्पूर्ण कार्य तयारी भैसकेको सम्मेलनका सह-आयोजक सुमल कुमार गुरुङले बताए ।

सम्मेलनमा बेलायतका लागि नेपाली राजादूत दुर्गाबहादुर सुबेदीको प्रमुख आतिथ्यता छुट्टै रोनकता थप्नेछ भने मिस युके नेपाल २०१६ टेनिशा रानाको पनि विशेष उपस्थिति रहने छ ।

स्वस्थ्य जीवन र समृद्ध पृथ्वीका निम्ति वातावरणको स्वस्थ्यता अनिवार्य रहेको छ । विश्वव्यापी रूपमा वातावरणमा आएको ह्रासले गर्दा मानिसको जीवनस्तर नै ओरालो लाग्दै गइरहेको छ ।

यस बर्षको विश्व वातावरण दिवस ५ जुनमा पर्दछ, जसलाई विश्वभर मनाउन संयुक्त राष्ट्रसंघको वातावरण विभागले नेतृत्वदायी भूमिका प्रदान गर्दै आइरहेको छ ।

उक्त सम्मेलनमा एनआरएन युकेको भाषा साहित्य विभाग, विश्व नेपाली साहित्य महासङ्घ युके, अन्तर्राष्ट्रिय नेपाली साहित्य समाज (अनेसास) युके, अन्र्तराष्ट्रिय नेपाली वाङ्मय प्रतिष्ठान, नेपाली साहित्य विकास परिषद्, नेपाल मुक्तक प्रतिष्ठान, समकालीन साहित्य प्रतिष्ठान, साहित्य चौतारी, साहित्य सङ्गम, प्रवासी नेपाली साहित्य समाज, साहित्य संगालो डट कमको संयुक्त सहभागिता रहने छ ।

विश्वकै जल्दोबल्दो विषयमा सघन चेतनामूलक कार्यक्रम आयोजना हुनु र त्यसमा सबै साहित्यिक सङ्घसंस्थाहरू गोलबद्ध हुनु आफैमा प्रसंशनीय कार्य रहेको छ ।

यसरी ऐतिहासिक रूपमा वातावरणमा केन्द्रित रहेर साहित्य सम्मेलनको सफलताका पार्नलाई बेलायतका सम्पूर्ण सञ्चारमिडियाहरूले प्रचार प्रसारलाई तीव्र पार्दै आइरहेका छन् ।

विश्व वातावरण दिवसको अवसरमा आफ्ना उत्कृष्ट वातावरणमैत्री रचनाकासाथ उपस्थित हुन सबै भाषाभाषी तथा साहित्यप्रेमीमा हार्दिक अपिल समेत गरिएको छ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

चुम्लुङ साँस्कृतिक विभागको अध्यक्षमा सागर केरुङ निर्वाचित

धरान, पुस २५ बुधबार । किरात याक्थुङ चुम्लुङको साँस्कृतिक विभाग लिम्बु साँस्कृतिक परिषद केन्द्रीय...

स्वावलम्बनद्वारा न्यानो कपडा वितरण

२० पुस २०८० आइतबार, पाँचथर पाँचथरमा फरक क्षमता भएका १८ जना बिद्यार्थीहरुलाइ न्यानो कपडा...

अन्ततःहेलिकप्टर चार्टर गरेर भागे पुर्वप्रधानमन्त्री केपी शर्मा ओलि:मध्यपहाडी यात्रा आधिमै टुँगियो

१ पुष २०८० आइतबार, पाँचथर ।  नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले...

भोलि एकहजार एक सय ११ पहिचानको लागि युवा गठन हुने

२६ मंसिर २०८०, पाँचथर। प्रदेश नं.१ पुनः नामाङ्कन संयुक्त संघर्ष समिति पाँचथरले भोलि (बुधबार)...

लिम्बू भाषाको पालाम ‘फेदाप हाङ्साम्’को छायांकन सम्पन्न

मंसिर ५, तेह्रथुम । लिम्बू भाषाको पालाम ‘फेदाप् हाङ्साम्’ छायांकन सम्पन्न भएको छ ।...

विक्रम याक्खाको ‘झुटकाे पुलिन्दा’ लघुकथा सङ्ग्रह लोकार्पण

काठमाडौं । लघुकथा समाज नेपाल काेशी प्रदेशले आज राजधानीमा आयाेजना गरेकाे लघुकथा विमाेचन कार्यक्रममा...

उर्लाबारीमा डिगबाहादुर लिम्बू र शोभा पालुङ्वाको सम्पर्क कार्यालय स्थापना

उर्लाबारी । नेपाल सरकारका युवा तथा खेलकुद मन्त्री डिगबहादुर लिम्बु र सोही क्षेत्रकी प्रदेश...

किरात याक्थुङ चुम्लुङ् युएइको सातौं अधिवेशन सम्पन्न, अध्यक्षमा कमल लावती निर्वाचित

असोज २३, काठमाडौ । किरात याक्थुङ चुम्लुङ युएइको सातौँ अधिवेशन सम्पन्न भएको छ ।...

फिदिममा ‘रीत’को भव्य प्रदर्शन

असोज ११, पाँचथर । लिम्बू कथानक चलचित्र ‘रीत’ को बिशेष प्रदर्शनी भएको छ ।...

संघीय लिम्बुवान सामाजिक मञ्च युएइको अधिवेशन सम्पन्न, अध्यक्षमा भिम अधिकारी निर्वाचित

असोज १५, काठमाडौ । संघीय लिम्बुवान सामाजिक मञ्च, युएइको अध्यक्षमा भिम अधिकारी निर्वाचित भएका...