जनसरकार लागू भएको जिकिर

दमक, ९ जेठ ।
देशभर स्थानीय तह निर्वाचनको दौडधुपमा राजनीतिक दलहरु लागिरहेका बेला नेपाल कम्युनिष्ट पार्टी (विप्लव) ले भने घरजग्गा कब्जा गर्दै जनसरकार लागू भएको जिकिर गरेको छ ।
पार्टीले धमाधम आफ्नो जनसत्ता स्थापना गर्ने र लागू गर्ने कृयाकलापमा सकृय बनेको भन्दै विप्लवका झापा जिल्ला नेता सुमनसिंह पौडेलले गौरादह साविक ८ का इलाइ मियाको घरजग्गा जालझेल गरी अरुकै नाउँमा सेस्ता दर्ता गरेको भन्दै कब्जामा लिइएको बताउनुभएको छ । झापाको जिल्ला स्तरमा र गाउँ–गाउँमा जनसरकार घोसणा गरेर जनताका मुद्दा फछर््यौट गरिरहेको भन्दै सिंहले जनसरकार झापाले जनयुद्धको बेला फैसला गरेको निर्णय अहिले पनि जायज रहेको जिकिर गर्नुभएको छ ।
झापा जिल्ला जनपरिसद प्रमुखसमेत रहेका पैडेलले उक्त घर जग्गा कब्जामा लिइएको जानकारी दिनुभएको हो । जनअदालतको फैसलालाई कार्यन्वयन गर्ने भन्दै गौरादह बजारमा २०४० मा इलाइ मियाको निधन भएको र २०४१ सालमा मियाका नक्कली श्रीमती खडा गरी मियाको घरका कामदार स्थानीय भुपुध्वज कटुवालले बेजिल्ला जग्गा रजिष्टर पास गराएका आरोप छ ।
मियाका नाबालक छोराहरुलाई गाई काटी खाएको झुटो आरोप लगाउँदै प्रहरी लगाएर पटक–पटक दुःख दिएको विप्लव पक्षले आरोप लगाएको हो । निज पीडित मिया परिवारलाई जनसरकारले न्याय दिनका निम्ति कटुवालका नाउँमा रहेको घरजग्गा कब्जा गरिएको सिंहले दावी गर्नुभएको हो । करिब ९ करोड मूल्यको जग्गा पछिल्लो चरणमा झापा क्षेत्र नम्बर ६ का सांसद् दीपक कार्कीको नेतृत्वमा विभिन्न कानुनी अडचन देखाएर त्रास देखाउँदै १२ लाख दिएर मिलाउन खोजिएको थियो ।