दमक, ७ जेठ ।
नेपाली काँग्रेस कमल गाँउपालिकाले स्थानीय तह निर्वाचनका लागि प्रचारप्रसार सहित घरदैलो कार्यक्रम थालेको छ ।
आइतबार तोपगाछीस्थित पार्टी कार्यालयमा सम्पन्न गाँउस्तरीय भेला सम्पन्न गर्दै काँग्रेसले गाउँस्तरमा प्रचार लगायतका कार्य थालेको हो । भेलाले पूर्व महाधिवेशन प्रतिनिधि राजन ढुंगानाको संयोजक र क्षेत्रीय सदस्य धर्मानन्द भट्टराई सचिव रहेको २ सय २५ सदस्यीय प्रचारप्रसार समिति गठन गरेर निर्वाचन प्रचारलाई अघि बढाएको हो । त्यस्तै महासमिति सदस्य टीकाराज सापकोटाको संयोजकत्वमा ९ सदस्यीय आर्थिक उपसमिति, गोपालचन्द्र भुजेलको संयोजकत्वमा ७ सदस्यीय अनुगमन र महेन्द्र बुढाथोकीको संयोजकत्वमा चुनावी घोषणापत्र तयारी उपसमिति गठन गरिएको काँग्रेस भातृ संगठन तरुण दलका झापा उपाध्यक्ष राजकुमार न्यौपानेले जानकारी दिनुभयो ।
कमल गाउँपालिका अध्यक्ष पदका लागि काँग्रेसले हुकुमसिंह राईलाई उम्मेद्वार बनाउने निर्णय गरेको छ भने उपाध्यक्षमा दीपा गौतमलाई उम्मेद्वार बनाएको हो । सबै वडाका लागि उम्मेद्वार तय भएको काँग्रेसले जनाएको छ । कमल गाउँपालिका ६ को वडाध्यक्षका प्रत्यासी प्रमोदकुमार दाहालसहितका उम्मेदवार, कार्यकर्ताहरुले आइतबारदेखि घरदैलो कार्यक्रम सुरु गरेका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
