दमक, ७ जेठ ।
जेठ १ गते पार्टी एकताभएसँगै संघीय लिम्बुवान पार्टी नेपाल मातहतका पार्टी संरचनाहरुलाई संघीय समाजवादी फोरम नेपालमा समायोजना गर्ने कार्यले झापामा तीव्रता पाएको छ ।
पार्टी समायोजना अन्तर्गत शनिबार झापाको लखनपुर र तोपगाछी साविक दुई वटा गाविसस्तरीय समितिहरुलाई नयाँ स्थानीय संरचना अनुसार कमल गाउँपालिकामा समायोजन गरिएको हो । ससफो नेपालका झापा जिल्ला अध्यक्ष धिरेन लावतीका अनुसार पूर्व संघीय लिम्बुवान पार्टी नेपाल अन्तर्गतको संरचनालाई जिल्लाभर समायोजन कार्य अघि बढेको हो । शनिबार भएको कमल गाउँपालिका समायोजन अन्तर्गत दुवै गाविसमा अस्तित्वमा रहेका दुवै पार्टीका संरचनाहरुलाई एक बनाइएको हो ।
ससफो झापाका सचिव सुशील राईका अनुसार कमल गाउँपालिकामा ज्ञानेन्द्र राईको अध्यक्षतामा ४४ सदस्यीय गाउँपालिका समिति गठन भएको हो । जसको उपाध्यक्ष, सचिव, सहसचिव र कोषाध्यक्षमा क्रमशः रोहित बुढाथोकी, नामाङ किरावा, दिलिपकुमार राई र बहादुर ताजपुरिया छन् भने अन्य सदस्य छन् ।
कमल गाउँपालिका ६ स्थित पञ्चकन्या आधारभूत विद्यालयको सभाहलमा सम्पन्न समायोजन कार्यक्रमा ससफो नेपालका लिम्बुवान प्रदेश सचिवालय सदस्य कमन देवानले पार्टीको केन्द्रीय निर्वाचन नीतिबारे प्रष्ट्याउनुभएको थियो भने सदस्य दिपेन बाला राईले निर्वाचनलाई आन्दोलनका रूपमा विकसित गर्न निर्देशन दिनुभएको थियो । गठित नयाँ समितिका पदाधिकारी तथा सदस्यहरुलाई जिल्ला अध्यक्ष लावतीले सपथग्रहरण गराउनुभएको थियो ।
समायोजन कार्यक्रम अन्तर्गत सोमबार दमक नगरपालिकाको समायोजन कार्य सम्पन्न हुने बताइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
