विद्यार्थी नेता आङ्देम्बे मेयर पदको आकांक्षी - Naya Online

विद्यार्थी नेता आङ्देम्बे मेयर पदको आकांक्षी

मोरङ, ७ जेठ ।
आसन्न स्थानीय तहको निर्वाचनमा समाजवादी विद्यार्थी फोरमका नेता विशाल आङ्देम्बेले उर्लाबारी नगरपालिकामा मेयर पदको उम्मेद्वारी दिने बताइएको छ ।
विद्यार्थी राजनीतिमा लामो समयदेखि क्रियाशील आङ्देम्बेले आसन्न निर्वाचनमा आफू उर्लाबारी नगरपालिकाको मेयर पदमा उठ्न योग्य भएको जिकिर गर्दै दावी प्रस्तुत गुर्नभएको हो ।
समाजवादी विद्यार्थी फोरमको उप–महासचिव रहेर पार्टी र विद्यार्थी संगठनको राजनीतिमा आफ्नो क्रियाशीलता नै मेयर पदको उम्मेद्वारीका लागि योग्यता भएको उहाँको भनाइ छ । ‘विद्यार्थीमाझ आफ्ना लोकप्रियता, युवा पुस्तामा सबैसँगको सहकार्य र पार्टीको जिम्मेवार कार्यकर्ता हुनुका नाताले म उर्लाबारीको मेयर पदका लागि उम्मेद्वार हुन योग्य हु भन्ने मेरो भनाइ हो,’ आङ्देम्बेले भन्नुभयो ।
उर्लाबारी नगरपालिकाको मेयर पदका लागि संघीय समाजवादी फोरम, नेपालका तर्फबाट आफूले उम्मेदवारी दिने तयारी थालेको उहाँले जिकिर गर्नुभयो । उर्लाबारी बहुमुखी क्याम्पसको सञ्चालक समिति सदस्यका रूपमा कार्यरत आङ्देम्बे अन्य विभिन्न सामाजिक संघसंस्थाहरुमा क्रियाशील हुनुहुन्छ ।
संघीय समाजवादी फोरम मोरङकी जिल्ला सदस्य एवम् उर्लाबारीको शैक्षिक विकासमा लामो समयदेखि क्रियाशील ममता साम्पाङले उपमेयर पदमा उम्मेद्वारी दिने तयारी रहेको बुझिएको छ । ससफो नेपाल र नयाँ शक्ति नेपालले एउटै चुनाव चिन्हमा चुनाव लड्ने केन्द्रीय सहमति र अध्यास थालिसकेका छन् । नयाँ शक्तिका तर्फबाट भने मनोहर दाहालले मेयर पदका लागि तयारी गरिरहेको बताइएको छ । त्यस्तै नयाँ शक्तिले रामप्यारी तामाङको नाम उपमेयरमा प्रस्ताव गर्ने तयारी गरेको छ ।
प्रमुख र उपप्रमुख पदका लागि दुवै पार्टीले अन्तिम टुङ्गो लगाइनसके पनि अन्य वडा अध्यक्ष र सदस्य पदहरुमा भने सहमति भइसकेको आङ्देम्बेले जानकारी दिनुभएको छ । यसअघि सम्पन्न पहिलो चरणको स्थानीय निर्वाचनमा दुवै पार्टीले एक हातले समातेको मसाल चुनाव चिन्ह प्रयोग गरेर चुनावी मैदानमा उत्रिएका थिए । दोस्रो चरणमा पनि चुनावी तालमेल र आपसी समन्वयबाट उम्मेद्वारहरुको अन्तिम टुङ्गो लाग्ने दुवै पार्टी सम्बद्ध स्रोतबाट जानकारी प्राप्त भएका छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

पाँचथरको कुम्मायक गाउँपालिका–१ मा गठबन्धनका पदमा देवेन्द्र कुमार लावती विजयी

कुम्मायक । पाँचथरको कुम्मायक गाउँपालिकाको–१ नम्बर वडामा गठबन्धनतर्फका देवेन्द्र कुमार लावती बहुमतले विजयी बनेका...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

अवसरवादी र अहंकारवादी तत्वलाई मतदान नगर्न लावतीको आग्रह

-पदम सुखी सम्बाहाम्फे पाँचथर । कुम्मायक गाउँपालिका वडा नम्बर १ स्थित साविक वडा नम्बर...

गठबन्धनका उम्मेदवारलाई जिताउन जनआकांक्षाको लहर बढ्दो

-पदम सुखी सम्बाहाम्फे पाँचथर । कुम्मायक गाउपालिकाको ५ वटै वडामा ४ दलीय गठबन्धनको चुनावी...

कुम्मायक गाउँपालिकामा गठबन्धनका उम्मेदवारले स्वतः चुनाव जित्ने दाबी

-पदम सुखी सम्बाहाम्फे पाँचथर, १४ वैशाख । चुनावी मनोनयन दर्ता भएपछि कुम्मायक गाउँपालिकामा पनि...

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा...

धनकुटाको चौबिसेमा काँग्रेसबाट बिजु राई आकांक्षी

धनकुटा, २८ चैत्र । निर्वाचन आयोगले स्थानीय निर्वाचनको मिति तोकेपछि चुनावी सरगर्मी बढेको छ...

नेपाली समाज जापानको कान्तोउ क्षेत्रमा भेला

जपान, १० अप्रिल । जनता समाजवादी पार्टीको प्रवास समिति, नेपाली समाज जापानको कान्तोउ (...