'हामीलाई गिरफ्तार गर्दा शान्ति सुरक्षा सुदृढ होइन, बरु झन भयानक र बिकराल बन्दैजानेछ' - Naya Online

‘हामीलाई गिरफ्तार गर्दा शान्ति सुरक्षा सुदृढ होइन, बरु झन भयानक र बिकराल बन्दैजानेछ’

सुमनसिंह पौडेल
१० वर्षे महान जनयुद्ध र त्यसबाट प्राप्त जनादेशलाई माओवादी आन्दोलनको मूल नेतृत्वले पराजित गराउँदै संसदवादीहरुको भ्रष्ट र दुर्गन्धित राजनीतिमा लगेर धमिलो बनाइसकेपछि, त्यहाँबाट सचेततापूर्वक बिद्रोह गरेर जनता र रास्ट्रको समग्र वैज्ञानिक समाजवादी रास्ट्र निर्माणको उत्कट सपनालाई जिवित राख्नुको बिकल्प विप्लवहरुसँग नभएकै हो । त्यसैले नेतृत्व पंक्तिमा सधैँ बिचार, राजनीति, र संघर्षको क्षेत्रमा विप्लव बिद्रोही बनेर रहिरहे र विप्लवी हामिहरु त्यही बिद्रोहको वरिपरि समाज रूपान्तरणको सपनालाई जिवित राख्न सफल भैरहयौँ ।
हामी प्रचण्डको षड्यन्त्र अर्थात आफूभित्रको रोगलाई जितेर आइसकेकाहरु । वैद्यको अकर्मण्यतालाई समेत चिनेर आइसकेकाहरु । चर्चा बहस हाम्रो विषयमा हुने गरेका छन् । राजनीतिमा, दर्शनमा, संघर्षमा, विभिन्न कोणबाट धेरै प्रकारको आलोचना र टिप्पणीको समेत डटेर व्यवहारबाट जवाफ दिंँदै आइरहेकाछौं ।  वर्ग संघर्षका कमाण्डरहरुलाई खरिद गरेर  षड्यन्त्रमा फसाएर, तर्साएर, सक्ने कुत्सित चालबाट समेत बचेर यहाँसम्म आइपुगेका हामिहरु यतिबेला   बदलिँदो विश्व, समाज र उपरिसंरचनाहरुको चरित्रको समयानुकूल अध्यन गर्दै एकीकृत जनक्रान्तिको कार्यदिशामार्फत दुनियालाई बुझ्ने, बदल्ने, र बदलिएको दुनियाको रक्षा र विकास गर्ने अभियानमा लामबद्द भएका छौं ।
हामिले भनेका छौं संसददवादबाट मुलुकलाई निकास दिन सकिँदैन । दलाल पुँजीवाद र यसका अवयवहरुबाट रास्ट्रको संकट हलगर्न सकिँदैन । रास्ट्र र जनतालाइ समृद्ध गर्न सकिँदैन । यदि सकिन्थ्यो भने संसदवादको ६ दशक लामो शासन र हालको स्थितिबीच तुलनात्मक अध्यन गरे पुग्छ । अहिले गरिबी, महँगी, असुरक्षा, बेरोजगारी, विभेद, राष्ट्रियतामाथिको हमला तीव्र गतिमा बढेर गएको छ । केही सीमित दलाल, भ्रष्ट, कमिसनखोरहरुको बिगबिगी चुलिएको छ । यस्तो सामाजिक बेमेल र असमानताले मुलुक अस्थिर र अराजक बन्दैछ । अर्काे तर्फ रास्ट्र र जनताको भविष्य अन्यौल र अनिश्चित बन्दैगएको छ  । मुलुकलाई राजनीतिक, सामाजिक, आर्थिक, सांस्कृतिक, सबै क्षेत्रबाट निकास दिनुपर्छ भन्ने आवश्यताको बोध  गरेर हाम्रो पार्टीले वैज्ञानिक समाजवाद स्थापनार्थ जनताको सत्ता सञ्चालनमा ल्याउने उद्घोष सहित जनताको बीचमा आन्दोलको नेतृत्व गरिरहेको छ ।

यस्तो बेला हामीले २०७० सालमै औचित्यहिन भनेर बहिस्कार गरिसकेको कथित संविधानसभाको गर्भबाट संघीय लोकतान्त्रिक गणतन्त्र नामको भ्रम जन्माएर त्यही मरिसकेको संसदीय व्यवस्थालाई पुनर्जिवित गर्न निर्वाचानको नौटंकी भइरहेको छ यसको हामिले विरोध गरेका छौँ र आम जनतामा यसको खारेजीको निम्ति अपिल समेत गरेका छौँ । संँगै हामिले जनसत्ताको बिकल्पसमेत दिएका छौं ।  यो विषयलाई जनताले आत्मासात गरेको पाइन्छ । यद्यपी राज्य हामिलाई गिरफ्ता् गर्ने, यातना दिने अमानवीय र क्रुर रबैया  अख्तियार गरेर आफ्नो फाँसीवादी चरित्र देखाउँदैछ । र शान्ति सुरक्षा सुदृढ भएको र गरिरहेको जनाउँदैछ ।
हामीलाई गिरफ्तार गर्दा शान्ति सुरक्षा सुदृढ होइन, बरु झन भयानक र बिकराल बन्दै जाने छ । किनकि हामी अपराधी होइनौँ ।  अपराध बिचारसँग जोडिएको हुँदैन । अपराध मानिसको केही कुत्सित उद्देश्यसँग जोडिएको हुन्छ । हामी समाज रूपान्तरणको अभियानमा जुटेका छौँ । हाम्रो अभियानले ठेस पुग्ने केही दलाल र भ्रस्टहरु हामीलाई सुरक्षा चुनौती देख्छन् र राज्य प्रशासन तिनै औंलामा गनिने केही भ्रष्ट पात्रहरुको सुरक्षा प्रबन्ध मिलाइदिएर शान्ति सुरक्षा सबल रहेको ठान्न पुग्छ । तर यो भयानक भूल हो ! किनकि समाजमा वर्ग संघर्ष चलिरहेको छ त्यो पनि सचेततापूर्वक र योजनावद्ध । यो वर्ग संघर्षमा , मजदुर , श्रमजीवी, सुकुम्बासी र गरिब उत्पीडितहरुको अर्थात गरिखानेहरुको नेतृत्व नेपाल कम्युनिस्ट पार्टीले गरिरहेको छ र जुन वर्गको जित सुनिस्चित छ । अर्काे तर्फ दलाल , तस्कर, सामन्त, फटाहा, भ्रष्ट, कमिसनखोरहरुको नेतृत्व संसदवादीहरुले गरिरहेका छन् र यस वर्गको पराजयमात्र होइन पत्तासाफ हुने निश्चित नै छ  । यहाँ फेरि एउटा लडाँइ दलाल संसदवाद र कम्युनिस्ट पार्टीबीच उत्कर्षमा पुग्ने निश्चित छ । त्यसकारण, यहाँ बिचार र दृष्टिकोणको लडाँइ हो । हामीलाई गिरफ्तार गरेर, यातना दिएर, अपराधी करार गराएर शान्ति सुरक्षा सबल हुनेवाला छैन बरु झन कठीन र गम्भीर संकट निम्तिने छ ।
अर्काे कुरा, हामीहरु विरुद्ध गरिने षड्यन्त्रहरु विभिन्न प्रकारले अभिव्यक्त हुने गर्छन् । हाम्रा बिचारहरुप्रति परिलक्षित गरेर गरिने असान्दर्भिक वक्तव्यवाजी, हाम्रा बिरुद्द गरिने सुराकी, हाम्रा विरुद्ध गरिने सामन्य हमलाको दुस्साहस, हाम्रा विरुद्ध गरिने अनर्गल प्रचार र नोक्सानी, हाम्रा कार्यकर्ता र शुभचिन्तकहरुलाई दिइने डर त्रास र धम्की, हाम्रा परिवारहरुलाई लक्षित गरेर दिइने दुःख अर्थात सर्बत्र हाम्रा विरुद्धको हमलाको दुस्साहस यी र यस्ता घटना हिजो जनयुद्धमा पनि थिए र आज पनि छिटफुट यस्ता षड्यन्त्रहरुको तानाबाना रचिएको प्रतीत हुन्छ ।  दलालहरुको लुटको अखडामा हाम्रो यात्रा बाधक भएको होला र हुने निश्चित छ । जसअनुरुप त्यही लुटलाई हिफाजत गर्न हामी योद्धाहरुलाई सिध्याउन गरिने चलखेल समेत प्रत्युत्पादक हुनेछ । यसले न्यायको निम्ति गरिएको लडाँइलाई सिध्याउने होइन, सिध्याउन षड्यन्त्र गर्नेगरु सासानघाटमा पुग्ने र हामीलाई झन दर्बिलो स्पातिलो बनाउँदै विजयको दिशा उन्मुख लैजाने निश्चित छ । अन्यायले बिद्रोहको बीऊ रोप्छ, दमनले प्रतिरोधको । अन्ततः त्यहि प्रतिरोध युद्ध संसदवादीहरुको चिहान र रास्ट्र र जनताको निम्ति बिजयको रक्तिम झण्डा बन्ने छ ।

पौडेल नेकपा (विप्लव) का झापा जिल्ला जनसरकार प्रुमख हुन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

चुनाव, खेलाँची होकी वास्तविक ?

मलिसा याक्थुङ्बा लिम्बू सर्वव्यापी स्वीकार्य चुनाव गरिनु पर्छ र सहभागी मतदाताहरू निर्विघ्न हुनुपर्छ ।...

कुलुङ लोक–कथाः छेन्दीपत र बीरमुख

निनाम लोवात्ती विश्वकै प्राचीन महाजातिमा गनिने किरातीभित्रका कुलुङ जातिमा दन्त्य–कथा, लोक–कथा, लोक–मान्यता, लोकवार्ता, एवम्...

एकात्मक राज्यसत्तालाई लिम्बुवानको माग राख्नु कायरता हो

मौसम आङ्देम्बे पापोहाङ वि.सं. १८३१ साउन २२ गते गोर्खा राज्य र लिम्बुवानबीच लालमोहर सन्धि...

किताबभित्रका कुरा: खास नेपाली कविताहरू ‘इतर कविता’

प्रकाश दिप्साली राई हामी राज्यको बेवास्ता र हेलचेक्राईका कारण आफ्नो परिवार रुखोपाखो छाडेर हामीे...

पुस्तक अंश: ‘बुढाको तरुनीलाई पाहुना मान्नैपर्यो’

कल्पना आङ्बुहाङ “पाहुना आउनु त आउनु, तेरो बाउको तरुनी पनि कसोरी आएर बस्नु ?”...

त्यो सम्झना : कप्तानको रिसले एकराते ‘माओवादी’ भइयो !

निनाम लोवात्ती कुरो विसं २०५८ साल कात्तिक–मंसिर महिनाको हो । त्यो बेला म पर्यटन...

मातृशोकको घडीमा “सम्झनाका छालहरू” बाट सम्पादित केही अंश

उदय पूर्वेली चोङ्बाङक्याक मेरी आमा हरतरहले आफ्नो एक्लो छोरोले मदिरा सेवन नगरिदिए हुन्थ्यो भन्ने...

सामाजिक सङ्घर्ष र पहिचानको आवाज आमाको तासफोटो

मातृहाङ नेम्बाङ प्रसँग सन् २०१६ को हो । विश्व नेपाली साहित्य समाज दक्षिण कोरियाले...

रुस–युक्रेन युद्धोन्मादको क्याटालिस्ट नाटो, नोर्ड स्ट्रिम २ को स्पष्ट मुक्कोपिरा र जि–७ को धूमिल छाँया

– उदय  ‘पूर्वेली’ चोङ्बाङ्क्याक विशेषगरी अहिले गत २४ फेब्रुअरी, बिहीबार बिहान सबेरैदेखि रुसले युक्रेनको...

पर्यटन: बराहक्षेत्रमा पर्यटनका सम्भावना र चुनौति

लक्ष्मण कटुवाल बराहक्षेत्र नेपालको सुनसरी जिल्लामा अवस्थित ऐतिहासिक तीर्थस्थल हो । सप्तकोशी र कोकाहा...