दोस्रो चरणको निर्वाचनका लागि रणनीति बनाउँदै ससफो नेपाल - Naya Online

दोस्रो चरणको निर्वाचनका लागि रणनीति बनाउँदै ससफो नेपाल

झापा, ६ वैशाख ।
संघीय समाजवादी फोरम, नेपालले दोस्रो चरणको निर्वाचनका लागि आन्तरिक तयारी थालेको छ । बिहीबार र शुक्रबार सम्पन्न पार्टीको कार्य सम्पादन समिति बैठकले निर्वाचन तयारीका लागि विविध निर्णय गरेको हो ।

पार्टी स्रोतका अनुसार जेठ ३१ गते सम्पन्न हुने दोस्रो चरणको निर्वाचनका लागि पार्टीले निर्वाचन गतिविधिलाई व्यवस्थित गर्न सचिव रत्नेश्वर कायस्थको संयोजकत्वमा नयाँ शक्ति पार्टीसहितको केन्द्रीय निर्वाचन डेस्क गठन गरेको छ । डेस्कमा राजनीतिक समिति सदस्यद्वय धिरेन्द्र श्रेष्ठ र राजन केसी सदस्य रहनुभएको छ । त्यस्तै सदस्यहरुमा केन्द्रीय सदस्य शिवजी यादव र लालबहादुर तामाङ रहनुभएको छ । निर्वाचन डेस्कले नै ससफो नेपाल र नयाँ शक्ति नेपालको संयुक्त निर्वाचन समन्वय संयन्त्रको काम गर्ने बताइएको छ ।दोस्रो चरणको निर्वाचनमा दुवै पार्टीको संयुक्त संयन्त्रले विभिन्न ९ वटा आधार हेरेर स्थानीय तहमा विभिन्न पदमा उठ्ने उम्मेद्वारहरुका लागि मापदण्ड तय गरेको स्रोतले जनाएको छ । त्यस्तै उम्मेद्वारी छनौट गर्ने विधि र प्रक्रिया पनि ससफो नेपालले तय गरेको हो ।
बैठकले पार्टीका सबै केन्द्रीय पदाधीकारी, राजनीतिक समिति र केन्द्रीय सदस्यहरु, केन्द्रीय निकायका सदस्यहरु र केन्द्रीय परिषद सदस्यहरुलाई आ–आफ्नो जिल्लामा निर्वाचन अवधिभरि स्वयम् उपस्थित भएर पार्टी जिल्ला समितिसँग समन्वय गरी निर्वाचन अभियानमा खट्न निर्देशन जारी गरेको ससफो नेपाल केन्द्रीय कार्यालयले जनाएको हो । त्यस्तै पार्टीका सबै प्रदेश समितिहरुले प्रदेश स्तरमा निर्वाचन सम्बन्धी कार्यक्रमको ठोस कार्ययोजना तयार गरी प्रभावकारी ढंगले निर्वाचन सम्बन्धी प्रचार तथा अन्य आवश्यक कामहरु गर्नुपर्ने निर्देशन जारी गरिएको कार्यालयले जनाएको छ ।
संविधान संशोधनको विषय टुङ्गो नलागी स्थानीय तहको निर्वाचन घोषणा भएकोले हाल आफ्ना मुद्दाहरुलाई यथावत राखी निर्वाचनलाई पनि संघर्षाको रूपमा आत्मसात गर्दै, स्थानीय तहको निर्वाचनमा आन्दोलनकै रूपमा उपयोग गर्नेे निर्णय भएको बताइएको छ ।
आ–आफ्ना उम्मेद्वारहरुलाई जिताउन स्थानीय स्तरमा आवश्यकता अनुसार पार्टीको जिल्ला/प्रदेश समितिले आपसमा समन्वय गरी अन्य पार्टी वा दलसँग तालमेल गर्न सक्ने भनी निर्णय गरिएको समाचार स्रोतले जनाएको छ । केन्द्रीय कार्यसम्पादन बैठकपछि नयाँ शक्ति पार्टी, नेपालसँग जिल्ला स्तरमा समन्वय गरी निर्वाचन सम्बन्धी कार्य गर्न निर्देशन दिइएको हो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

पाँचथरको कुम्मायक गाउँपालिका–१ मा गठबन्धनका पदमा देवेन्द्र कुमार लावती विजयी

कुम्मायक । पाँचथरको कुम्मायक गाउँपालिकाको–१ नम्बर वडामा गठबन्धनतर्फका देवेन्द्र कुमार लावती बहुमतले विजयी बनेका...

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

अवसरवादी र अहंकारवादी तत्वलाई मतदान नगर्न लावतीको आग्रह

-पदम सुखी सम्बाहाम्फे पाँचथर । कुम्मायक गाउँपालिका वडा नम्बर १ स्थित साविक वडा नम्बर...

वडाध्यक्षका उम्मेदवारले गरे बराहक्षेत्रका सर्जकहरुसगँ अन्तरक्रिया

धरान । बराहक्षेत्र नगरपालिका वडा नम्बर– ३ बाट नेकपा(एमाले)का तर्फबाट वडाअध्यक्षका उम्मेदवार रुद्र दाहालले...

गठबन्धनका उम्मेदवारलाई जिताउन जनआकांक्षाको लहर बढ्दो

-पदम सुखी सम्बाहाम्फे पाँचथर । कुम्मायक गाउपालिकाको ५ वटै वडामा ४ दलीय गठबन्धनको चुनावी...

कुम्मायक गाउँपालिकामा गठबन्धनका उम्मेदवारले स्वतः चुनाव जित्ने दाबी

-पदम सुखी सम्बाहाम्फे पाँचथर, १४ वैशाख । चुनावी मनोनयन दर्ता भएपछि कुम्मायक गाउँपालिकामा पनि...

चारदल चुनावी गठबन्धनको बाजी मार्ने दाबी

-पदम सुखी सम्बाहाम्फे पाँचथर । पाचथरको कुम्मायक गाउँपालिकामा चार राजनीतिक दलहरु गठबन्धन गरेर निर्वाचनमा...

दुर्घटनमा मृतक तथा घाइतेको सनाखत

धरान, २ वैशाख । भेडेटार दुर्घटनामा परेका मृतक तथा घाइतेको सनाखत भएको छ ।...