क्वालालम्पुर । आफ्नो अभिव्यक्तिलाई कविताको रुपमा खरो भावमा राख्न सक्ने कवि दिलदुःखी जन्तरेको प्रथम कविता कृति पालामको राजकुमारी मलेसियामा बिमोचन भएको छ । उनी एक दशकभन्दा लामो समयदेखि वैदेशिक रोजगारीको लागि मलेसियामा कार्यरत साहित्य लेखनमा सक्रिय थिए ।
विमोचन कार्यक्रममा किरात याक्थुङ चुम्लुङ मलेसियाका अध्यक्ष कृष्ण आङ्देम्बे, किरात धर्म साहित्य उत्थान संघका संरक्षक दिलकुमार केरुङ, साहित्यकार विजय योञ्जन, पत्रकार आरसी गिरि, साहित्य चौतारी मलेसिया प्रतिनिधि बिमल पोखरेल लगायतको आतिथ्यता रहेको थियो । कवि भीम स्नेहीको स्वागत मन्तव्यबाट अगाडि बढेको कार्यक्रम प्रमुख अतिथी नेपाल दूतावास मलेसियाका द्वितीय सचिव चुमार सिं के सी तथा विशेष अतिथी एनआरएन मलेसियाका महासचिव सुन्दर आले, किरात धर्म साहित्य उत्थान संघका संरक्षक दिल कुमार केरुङ सभापती काप्पोबा चुमले कृतिको विमोचन गरेका थिए ।
त्यस्तै कवि रवि किरण, पत्रकार आरसी गिरि विश्व नेपाली साहित्य महासंघका उपाध्यक्ष शिब छाङछाले शुभकामना मन्तव्य दिएका थिए । आम नेपालीहरुले भोग्नुपरेको प्रबास पीडा, पहिचानको बुलन्द आवाज, बिभेदकारी र गैरजिम्मेवार राज्य ब्यवस्थाप्रति खबरदारी लिम्बु मुन्धुममा आधारित मिथकिय बिम्बहरु समेटिएको ३० थान उत्कृष्ट कबिताहरु पालामको राजकुमारीभित्र रहेका छन् ।
विश्व नेपाली साहित्य महासंघ मलेसियाले आयोजना गरेको उक्त कार्यक्रममा अध्यक्ष काप्पोबा चुमको सभापतित्व र नेपाली राजदुतावासका द्वितीय सचिव चुमारसिं केसि ज्युको प्रमुख अतिथ्यता थियो । कार्यक्रममा साहित्यकार जीवन देवान गाउंले र दिलिप सागर राईले कृती पालामको राजकुमारीमाथी समिक्षा टिप्पणी थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
