सुन्दर आले
क्वालालम्पुर मलेसिया ।
अन्तर्राष्ट्रिय ओकिनावा गोजुरियो कराते प्रतियोगितामा स्वर्ण जितेका पदकधारी कर्ण बहादुर राईले मे १४ तारिख फेरि स्वर्ण पदक जितेका छन् ।
क्वालालम्पुर स्थित ब्याडमिन्ट हल,चेरासमा मिलो अन्तर्राष्ट्रिय खुल्ला कराते प्रतियोगितामा नेपालको तर्फबाट ८४केजीमा उनले स्वर्ण पदक विजेता हासिल गरेका हुन् । इन्डोनेशियालाई पाखा लगाएर अनि दोस्रो राउन्डमा फिलिपिन्सलाई हराएर साथै सेमिफाइनलमा सिङापुरको राष्ट्रिय खेलाडीलाई हराउदै फाइनलमा मलेशिया लाई सजिलै जित हासिल गरि पदक हातपारेका थिए ।
लैनचौर सितोरियो कराते डोजोका खेलाडी सुनित घर्ती मगरले विलो ७५ केजि मा कास्य पदक जितेका छन साथै नेपाली प्रवासी सितोरियो कराते बाट गणेश तामाङले विलो ५५ केजिमा कास्य पदक प्राप्त गरेका हुन् ।
नेपालको तर्फबाट रेफ्रीहरुमा प्रवासी सितोरियो कराते सघका अध्यक्ष तथा एसियन रेफ्री योगेन्द्र कोइराला, क्रमश अन्तरास्ट्रिय रेफ्री राम तामाङ, हरिलाल थापा मगर र दिपक बोहरा, नेपालको तर्फबाट अफिसियलमा अनित न्यौपाने, टिम कोचमा ज्ञानु मगर हुनुहुन्थ्यो । त्यस्तै गरी नेपाली प्रवसी सितोरियो करातेको तर्फबाट अफिसियलमा नर्बु तामाङ, टिम कोचमा लक्ष्मी क्षेत्री रहनु भएको थियो । उक्त प्रतियोगितामा देशहरूमा इन्डोनेशिया, फिलिपिन्स, नेपाल, सिङापुर, उज्वेकिस्तान, मलेशिया, बङलादेश, ईन्डिया र सिरिया थियो भने सबैभन्दा बढी मेडल जितेर मलेशिया प्रथम हात पारेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
