इटहरी, ३० वैशाख ।
कञ्चनजंघा मल्टी मिडियाले सञ्चालन गरेको व्यक्तित्व विकास तथा सञ्चार सचेतना साप्ताहिक तालिम शनिबार इटहरीमा सम्पन्न भएको छ ।
समापन कार्यक्रममा तालिमका प्रशिक्षक संचारकर्मी डिकेश लामालाई कदरपत्रले सम्मानसमेत गरिएको छ । कार्याक्रमका प्रमुख अतिथि संघीय प्रेस फोरमका केन्द्रीय उपाध्यक्ष पीवी दियाली र विशिष्ट अतिथि पत्रकार महासंघ सुनसरीका जिल्ला अध्यक्ष अम्बर खड्काले कदरपत्र प्रदान गरेका थिए ।
मिडियाका सल्लाहकार मनु मोक्तानको सभापतित्वमा भएको कार्याक्रममा मिडियाका कार्यकारी निर्देशक लाखमाया योञ्जनले विभिन्न जातजातिका संस्कार सँस्कृतिलाई समेटेर जेठको पहिलो साताबाट हाम्रो आवाज नामको सार्वजनिक महत्वका सन्देशमुलक कार्यक्रम प्रस्तुत गर्ने बताउभयो ।
कार्यक्रममा प्रमुख अतिथि दियालीले मुलधारका सञ्चार माध्यमहरुले समेट्न नसकेका विषयवस्तुलाई उठान गरे अब खुल्ने मिडियाहरुको भविष्य र महत्व बढ्ने बताउनुभयो । कार्यक्रममा सुनसरी क्षेत्रका अगुवा सञ्चारकर्मी याम प्रधान, महासंघका अध्यक्ष अम्मर खड्का, तालिमका प्रशिक्षक सञ्चारकर्मी डिकेश लामा, आदिवासी जनजाति पत्रकार महासंघ जिल्ला उपाध्यक्ष विनय प्रधान, तमु ह्विला छोंदधी इटहरी उप–महानगरपालिकाका उपाध्यक्ष हेमा गुरुङ लगायतले बोलेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
