मतदानका लागि आवश्यक सबै तयारी पूरा : निर्वाचन आयोग - Naya Online

मतदानका लागि आवश्यक सबै तयारी पूरा : निर्वाचन आयोग

काठमाडौं, ३० वैशाख ।
स्थानीय तह निर्वाचनको आवश्यक सम्पूर्ण तयारी पूरा भएको निर्वाचन आयोगले जानकारी दिएको छ । मतदानको अघिल्लो दिन शनिबार पत्रकार सम्मेलन गरेर निर्वाचन आयोगले निर्धक्क भएर मतदान प्रक्रियामा सहभागी हुन मतदातालाई अपीलसमेत गरेको छ ।
प्रदेश नम्बर ३, ४ र ६ का विभिन्न ३४ जिल्लाअन्तर्गत चार वटा महानगरपालिका र एक उपमहानगरपालिकासहित २८३ स्थानीय तहमा भोलि आइतबार स्थानीय तह निर्वाचन अन्तर्गत पहिलो चरणमा मतदान हुँदैछ । भोलि आइतबार बिहान ७ बजेदेखि साँझ ५ बजेसम्म मतदान हुनेछ । निर्वाचनको सबै तयारी पूरा भएको जानकारी दिँदै प्रमुख निर्वाचन आयुक्त अयोधीप्रसाद यादवले भन्नुभयो –‘राष्ट्रका लागि एक दिन दुःखकष्ट सहेर भएपनि आफ्नो मत प्रयोग गर्न अपील गर्छु ।’

भोलि विभिन्न ४९ हजार ३ सय ३२ पदका लागि भीडन्त

आइतबार मतदान हुने क्षेत्रमा ४९ लाख ५६ हजार ९ सय २५ मतदाता रहेका र उनीहरुले विभिन्न ६ हजार ६ सय ४२ मतदान केन्द्रबाट मतदान गर्ने आयोगले जनाएको हो । पहिलो चरणको निर्वाचनले ४ महानगरपालिका, १ उपमहानगरपालिका, ९२ नगरपालिका, १ सय ६८ गाँउपालिका र २ हजार ५ सय ९८ वडामा ९७ जना मेयर तथा उपमेयर, १ सय ६८ गाँउपालिका अध्यक्ष तथा उपाध्यक्ष र २ हजार ५ सय ९८ वडाध्यक्षले स्थानीय सरकारको काम गर्ने जिम्मेवारी पाउनेछन् । यस्तै २ हजार ५ सय ९८ वडाका लागि चार सदस्यका दरले १० हजार ३ सय ९२ वडा सदस्य पनि निर्वाचित हुनेछन् ।
निर्वाचित हुने विभिन्न पदका लागि ४९ हजार ३ सय ३२ जनाले उम्मेद्वारी दिएका छन्, जसमा ३० हजार ५ पुरुष र १९ हजार ३ सय ३२ महिला उम्मेद्वार चुनावी स्पर्धामा छन् ।
निर्वाचन आयोगले निर्वाचनलाई स्वच्छ र निष्पक्ष बनाउन सबैलाई आग्रह पनि गरेको छ ।

१ लाख ३५ हजार सुरक्षाकर्मी परिचालित

आइतबारको मतदान कार्यक्रम सफल पार्न निर्वाचन लक्षित सुरक्षा योजना पूरा भएको निर्वाचन आयोगले जानकारी दिएको छ । आयोगले सेना प्रहरी सहित १ लाख ३५ हजार सुरक्षाकर्मी परिचालन गरिने जनाएको हो ।
पहिलो चरणको निर्वाचनका लागि भित्री घेरामा म्यादी सहित ४५ हजार नेपाल प्रहरी, नेपाल प्रहरी भन्दा बाहिरी घेराको सुरक्षा गर्ने गरइ ३० हजार सशस्त्र प्रहरी, र सशस्त्र प्रहरी भन्दा बाहिरी तेस्रो घेरामा ६० हजार सेना सुरक्षाका लागि परिचालित हुने आयोगको भनाइ छ ।
विशेषगरी पश्चिमी पहाडका स्थानीय तहहरुमा नेत्रविक्रम चन्द विप्लव नेतृत्वको नेपाल कम्युनिष्ट पार्टीले चुनाव विरोधी गतिविधि थालेको भन्दै आयोगले सुरक्षा सतर्कता बढाएको बताइएको छ ।
आयोगका अनुसार सुरक्षाकर्मीहरुले भोलि मतदान हुने मतदान केन्द्रमा पुगेर गस्ती सुरु गरिसेका छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

दिवा चेम्जोङः एक सक्षम उम्मेद्वार

स्थानीय निर्वाचन २०७९ का लागि धनकुटाको चौविसे गाउँपालिकामा गठबन्धन दलबाट उपाध्यक्षको उम्मेद्वारी दिएका दिवा...

कान्छी उपमेयर उम्मेद्वार जुनु लिम्बू (सृष्टि खापुङ)

लिम्बू विद्यार्थी मञ्चको आठौं राष्ट्रिय महाधिवेशन २०७३ सालमा इलामको लारुम्बामा हुँदै थियो । उक्त...

‘अमेरिकाको नागरिकता त्यागेर नेपाल भ्रष्ट्राचार गर्न आएको होइन’ –गम्बु शेर्पा

सन् २०२१ मा गम्बु शेर्पाले ‘फर्किएका पाइला’ पुस्तक लेखे । पुस्तकभित्र ६२४ पेजमा गम्बुका...

भेडेटारमा टेम्पो र बस दुर्घटनामा, टेम्पोचालकको मृत्यु

धरान, २ वैशाख । सुनसरीको भेडेटार दुई घुम्तीमुनी बस र टेम्पो दुर्घटनामा परेका छन्...

प्रदेश नं. १ प्रमुखद्वारा आर्थिक कार्यविधि वित्तिय उत्तरदायित्व विधेयक प्रमाणित

विराटनगर, २३ चैत्र । प्रदेश नं. १ का प्रदेश प्रमुख माननीय परशुराम खापुङद्वारा “प्रदेश...

“टिकटको तय नहुन्जेल पार्टीको प्रचार र जनताको मनोभावना बुझ्दै हिडिरहेका छौ”

विराटनगर महानगरपालिकामा चुनावको सरगर्मी शुरु भइसकेको छ । विभिन्न पार्टीका नेताहरूले मेयर तथा अन्य...

चुनाव, खेलाँची होकी वास्तविक ?

मलिसा याक्थुङ्बा लिम्बू सर्वव्यापी स्वीकार्य चुनाव गरिनु पर्छ र सहभागी मतदाताहरू निर्विघ्न हुनुपर्छ ।...

मोरङको लेटाङमा ६५औं राष्ट्रिय सहकारी दिवस

लेटाङ, मोरङ २० चैत्र । ६५ औं राष्ट्रिय सहकारी दिवस –२०७८ प्रदेश नं. १,...

ताल्चा कथा सङ्ग्रहको रचनागर्भ, पात्रमाथिको कथासहितको नयाँसाहित्य

विराटनगर, १९ चैत्र । यस हप्ताको नयाँ साहित्यमा निनाम लोवात्तीको कुलुङ लोककथा, कथाकार दिलिप...

कुलुङ लोक–कथाः छेन्दीपत र बीरमुख

निनाम लोवात्ती विश्वकै प्राचीन महाजातिमा गनिने किरातीभित्रका कुलुङ जातिमा दन्त्य–कथा, लोक–कथा, लोक–मान्यता, लोकवार्ता, एवम्...